Qazaqstanda "7-20-25" baǵdarlamasy boiynsha beriletin nesielerdiń maksimaldyq somasy belgili boldy, - dep habarlaidy Tenginews.kz tilshisi.
QR Ulttyq bank tóraǵasynyń orynbasary Oleg Smoliakovtyń aitýynsha, iri qalalarda turǵyn úidiń maksimaldyq baǵasy - 25 million teńge, al óńirlerde - 15 million teńge bolady.
"Qazir biz turǵyn úidiń maksimaldyq baǵalaryn bekittik. Iri qalalarda turǵyn úi baǵasy 25 million teńgege deiin barady dep otyrmyz. Iaǵni, Almaty, Astana, Atyraý, Aqtaý qalalarynda. Qalǵan óńirlerde - 15 million teńge. Osy málimetterge qarai otyryp jáne alǵashqy jarnanyń tólengenin eskersek, qazaqstandyq páterdi 25 million teńgege alatyn bolsa, onyń nesiesi 20 million teńge, al 15 million teńgege alatyn bolsa, nesie somasy 12 million teńge bolatynyn kórip otyrmyz", - dedi QR Ulttyq bank tóraǵasynyń orynbasary.
Sondai-aq, Oleg Smoliakov baǵdarlamanyń osy jyldyń ekinshi jartysynda júzege asyrylatynyn aitty.
"Baǵdarlama mamyr aiynda qabyldanady dep kútip otyrmyz. Qazir biz jalpy banktermen sharttarǵa qatysty máselelerdi tekserip jatyrmyz. Osy jyldyń ekinshi jartysynan bastap baǵdarlama júzege asyrylady dep otyrmyz. Sol ýaqytqa deiin osy nesielerdi alatyn enshiles uiymdardy quramyz dep oilaimyn", - deidi Oleg Smoliakov.
Eske sala keteiik, naýryz aiynyń basynda Qazaqstan Prezidenti Nursultan Nazarbaev turǵyn úi ipotekasyn qoljetimdi ete alatyn jańa "7-20-25" baǵdarlamasyn tanystyrǵan bolatyn.
"(...) Jumys isteitin árbir qazaqstandyq tómendegidei sharttar boiynsha teńgemen nesie alý múmkindigine ie bolady. Nesie ósiminiń mólsherlemesi qazirgidei 14-16 emes, jylyna 7 protsentten aspaityn bolady. Qazir bankter bastapqy jarnaǵa baspana qunynyń 30 protsentine deiin, keide tipti 50 protsentin salýdy talap etse, bul baǵdarlama boiynsha ol 20 protsentten aspaýǵa tiis. Nesie alýshynyń ai saiynǵy tólemin azaitý úshin onyń merzimi 10-15 emes, 25 jylǵa deiin bolady. Ol úshin Ulttyq banktiń, ekinshi deńgeili bankter men qor naryǵynyń múmkindikterin iske qosý kerek.", - dep túsindirgen edi Nazarbaev.
Sondai-aq, osyǵan deiin "7-20-25" ipotekasy qashan berile bastaityny aitylǵan edi.
