Foto: ashyq derekkóz
Astanada 2021–2025 jyldar aralyǵynda Instagram jelisi arqyly ózin ipotekalyq deldal retinde tanystyryp, azamattardyń senimine kirip, olardyń aqshalaryn iemdengen 30 jastaǵy er adamǵa qatysty úkim shyqty, dep habarlaidy Ult.kz.
Ol «7-20-25» baǵdarlamasy arqyly baspana alyp berýge kómektesemin jáne jihaz jobasyna tiimdi investitsiia usyný syltaýymen azamattardy aldap, iri kólemde qarajat aýdartqan. Alaida alǵan mindettemelerin oryndamai, aqshany óz qajetine jumsaǵan.
Barlyǵy 25 adam onyń qylmystyq áreketinen zardap shegip, keltirilgen jalpy zalal 95 million teńgeden asty.
Sot aiyptalýshynyń kinásin moiyndaýyn, kámeletke tolmaǵan balasynyń bolýyn, zalaldyń bir bóligin ótegenin jáne jazany aýyrlatatyn mán-jailardyń joqtyǵyn eskere otyryp, oǵan 6 jyl bas bostandyǵynan aiyrý jazasyn taǵaiyndady.
