QR Premer-Ministri Asqar Maminniń tóraǵalyǵymen ótken Úkimet otyrysynda Memleket basshysynyń «Nur Otan» partiiasynyń XVIII sezinde bergen tapsyrmalaryn oryndaý máselesi boiynsha ulttyq ekonomika ministri R. Dálenov baiandady. Atap aitqanda, eńbekaqy mólsherin ulǵaitý jáne mono, shaǵyn qalalar men aýyldyq aýmaqtardy qarjylandyrý máseleleri qozǵaldy, dep habarlaidy "Ult aqparat" primeminister.kz saityna silteme jasap.
QR UEM derekteri boiynsha, ózge salalar jumyskerleri men tehnikalyq personaldyń jalaqysy 30%-ǵa artady. 643 407 jumysker qamtylady. Bul — áleýmettik jumyskerler, kitaphanashylar, ormanshylar, veterinar dárigerler, is júrgizýshiler, aýla sypyrýshylar, tehnikalyq personal jáne t.b.
«Eger ortasha jalaqy 69 myń teńgeni qurasa, endi 90 myń teńgeni quraidy. Qosymsha qajettilik 459,5 mlrd teńgeni quraidy, onyń ishinde 2019 jyly – 90,7 mlrd teńge», — dedi ulttyq ekonomika ministri.
Bul 78 myń ákimshilik memlekettik qyzmetshilerdiń jalaqylaryna qatysty bolady. Olar jergilikti deńgeidegi jumyskerler: sarapshylar, jetekshi mamandar, bas mamandar. Olar oblystarda, aýdandarda, aýyldarda jumys isteitin adamdar. Ortasha ósim 25% quraidy.
«Bas mamannyń ortasha jalaqysy 84 myń teńgeni qurasa, endi 100 myń teńge bolady. Qosymsha qajettilik 76,5 mlrd teńgeni quraidy, onyń ishinde 2019 jyly – 15,3 mlrd teńge», — dep naqtylady R. Dálenov.
Budan ózge, ulttyq ekonomika ministriniń aitýynsha, mono jáne shaǵyn qalalardy damytýǵa jylyna 10 mlrd teńge bólinedi. Bul mono jáne shaǵyn qalalardaǵy injenerlik-kommýnikatsiialyq infraqurylymnyń 100 jobasyn salýdy nemese rekonstrýktsiialaýdy qamtamasyz etedi.
«Perspektivalyq aýyldardy damytý úshin "Aýyl – el besigi" arnaiy jobasy qarjylandyrylady. Buǵan 3 jylda 90 mlrd teńge bólinedi. 1,5 myńǵa jýyq perspektivalyq aýyldar qamtylady. Perspektivalyq sanyna, ornalasqan ornyna, damý áleýetine jáne t.b. bailanysty anyqtalady», — dedi R. Dálenov.
