Búgin Shymkent qalasynda jóndeý jumystarynan ótken «Metallýrgshiler» saiabaǵy qaita paidalanýǵa berildi. 1 jeltoqsan - Tuńǵysh Prezident kúni merekesine orai uiymdastyrylǵan saltanatty sharaǵa Ońtústik Qazaqstan oblysynyń ákimi J.Túimebaev pen qala ákimi Nurlan Saýranbaev qatysty, dep habarlaidy Ult.kz tilshisi.
Ashylý saltanatynda sóz alǵan óńir basshysy turǵyndar men qonaqtardy merekemen quttyqtap, qaita jańǵyrtylǵan saiabaqtyń 60 jyldyq tarihy bar ekenin atap ótti.
«Elbasynyń «Bolashaqqa baǵdar: rýhani jańǵyrý» maqalasy barshamyzdy jańǵyrýǵa, jańarýǵa shaqyrady. Rýhani jańǵyrý ózimizdi qurmetteýden bastalady. Qalamyzdy taza ustasaq, mádenieti joǵary bolsa, turmysymyz jetilip otyrsa, osyndai saiabaqtarda analarymyz, apalarymyz, balalarymyz qydyryp, demalyp júrse, osydan asqan baqyt joq shyǵar. Rýhani jańǵyrýdyń bir belgisi osy bolsa kerek. Dál osyndai saiabaqtardyń qatary jyl sanap artyp keledi. Qazirgi tańda burynǵy qorǵasyn zaýytynda 40 gektar aýmaqta jańa demalys aimaǵynyń qurylysy júrip jatyr»,- dedi Janseiit Qanseiituly.
Saiabaqtyń ashylý saltanatynda Elbasynyń kýrstasy Amanəli Əbdramanov ta sóz sóilep, turǵyndar tarapynan ystyq yqylasyn bildirdi.
«Qala ortalyǵyndaǵy «Metallýrgshiler» saiabaǵy búgin adam tanymastai keiipke enip, jańaryp otyr. Osy isti qolǵa alǵan oblys ákimine alǵysymyzdy bildiremiz. Qalamyz jyl sanap kórkeiip, demalys oryndary men saiabaqtar qatary artyp keledi. Bul degenemiz urpaq densaýlyǵyna, aǵa býyn ókilderiniń ǵumyrynyń uzaq bolýyna óz septigin tigizetin dúnieler. Aldaǵy jyldary munda shahmat oinaityn ortalyq, balalarǵa arnalǵan oiyn-saýyq qondyrǵylary ornatylmaq» - dedi Amanəli Əbdrahmanov.
Aita ketsek, Shymkent qalasyndaǵy «Metallýrgshiler» saiabaǵynyń irgetasy 1957 jyly qalanǵan. Qalpyna keltirý jumystarynan soń saialy mekenniń aýmaǵy 3,6 gektardan 5 gektarǵa deiin ulǵaiyp otyr. Demalys aimaǵynda sońǵy úlgidegi jaryq shamdar men qoqys jáshikteri ornatylyp, kelýshilerge kóterińki kóńil kúi syilaityn sýburqaq ta salynǵan.
