Foto: QR MAM
Belgili kúishi, shertpe kúi óneriniń sheberi Nurymbai Súleimenuly dúnieden ótti dep habarlaidy Ult.kz.
QR Mádeniet jáne aqparat ministrligi qazaqtyń belgili kúishisi, shertpe kúi dástúriniń kórnekti ókili, kompozitor Nurymbai Súleimenulynyń qaitys bolýyna bailanysty onyń otbasyna jáne týǵan-týystaryna kóńil aitty.
Nurymbai Súleimenuly – tabiǵi talantyn halqyna arnap, ulttyq mýzykanyń damýyna ólsheýsiz úles qosqan dara óner iesi. Ol «Qairan áke», «Qart tolǵaýy», «Dala syry», «Atameken», «Ilem meniń» syndy elge keńinen tanylǵan kúilerdiń, sondai-aq 60-tan astam kúi men 20-ǵa jýyq ánniń avtory.
Ónerpazdyń jarqyn tulǵasy men mol murasy qazaq halqynyń jadynda máńgi saqtalatyny anyq.
Marqumnyń jaqyndaryna kóńil aitamyz. Jany jánnatta, topyraǵy torqa bolsyn.
