XVII Halyqaralyq «Evraziia» kinofestivali aimaqtaǵy eń iri kino oqiǵasy bolmaq. Ol kórermenderdi tek filmderdiń alýan túrliligimen ǵana emes, sondai-aq olardyń tereń maǵynasymen tańqaldyrady. Bul jóninde festivaldiń irikteý komissiiasynyń tóraiymy, filosofiia doktory (PhD) jáne AlmaU ýniversitetiniń professory Aibarsha Bójeeva atap ótti. Mamannyń kino men ónertaný salasyndaǵy sarapshylyǵy sharanyń tabysty bolýynyń kórsetkishi.
Irikteýge álemniń túkpir-túkpirinen 60-tan astam film túsken. Komissiia músheleri qatarynda Aibarsha Bójeeva, frantsýz jýrnalisi jáne kinosynshy Barbara Lorei de Lashare jáne otandyq rejisser Azat Hakimov boldy. Olar usynylǵan týyndylardy muqiiat tańdap, tek talapqa sai keletin filmderdi iriktedi.
«Birinshi kezekte biz filmderdiń oi tereńdigine nazar aýdaramyz. Festivaldyq kino – kóńil kóteretin kontent emes, bul biregei týyndy. Ol kórermenge oi salady, pikirtalas týdyrady», – dep túsindirdi Aibarsha Bójeeva.
Negizgi talaptardyń ishinde:
1. Oi tereńdigi men kórkemdik – filmder filosofiialyq máselelerdi kóterip, santúrli beinelerdi asha otyryp, kórermenge áser etýi kerek.
2. Kino tásilderiniń damýy – beine, montaj jáne ádistermen synaq jasaý festivaldik kinonyń airyqsha belgisi.
3. Rýhaniiat – zamanaýi ónerdiń quramdas bóligi.
Irikteýden ótken filmderdiń basym bóligi – avtorlyq týyndylar. Olar kópshilik úirengen dástúrli janrlar shekarasynan shyǵyp, jańa óristerdi izdeidi. Keibir týyndylar bir qaraǵanda janrlyq kinoǵa uqsas, biraq tereńirek úńilsek kútpegen oilarǵa jeteleidi.
«Meniń favoritim – frantsýz filmi Disco boy. Bul bosqyndar jaily ekshn emes, ol adam bolmysy týraly tereń oi týdyrady. Kútpegen final, filosofiialyq oi, jańa bir qyrdyń ashylýy. Mundai kino tek Frensis Koppola siiaqty uly rejisserlerdiń deńgeiinde baǵalanady», – deidi komissiia tóraiymy.
Árbir filmniń ózindik ereksheligi bola tura, irikteý komissiiasy úilesimdilikke umtylǵan. Qarqyny, janry jáne ideiasy ártúrli kartinalar tańdaldy. Olardyń barlyǵy konkýrs talaptaryna sáikes keledi.
Kórermender dástúrli kinematografiialyq ádister men jańa tásilder qoldanylǵan shyǵarmalardy kóre alady. Festivalde Evraziia elderinen kelgen filmderge erekshe nazar aýdaryldy. Aibarsha Bójeevanyń aitýynsha, bul jumystar óz daralyǵymen tań qaldyrady:
«Olar klassikaǵa ainalǵan dramatýrgiialyq erejelerge baǵynbaidy. Bul qas pen kózdiń arasynda ótetin ómirdei, anyq basy men sońy joq, kópnúktemen aiaqtalatyn oqiǵa. Bul uly tulǵalardyń murasy».
Aibarsha Bojeevanyń pikirinshe, búgin kóńil kóteretin kontent basymdylyqqa ie. Sondyqtan festivaldik kino qazir aýadai qajet. Ol baiqaýǵa qatysatyn filmderdiń 60-jyldardaǵy kinolardan kem emes ekenin atap ótip:
«Bul filmder bizge tereń maǵynany sezinip, álemge basqasha kózqaraspen qaraýǵa múmkindik beredi. Anyq kóringen dúnieniń jasyryn máni bar ekenin baiandaidy», – dep qorytyndylady sarapshy.
Dástúrli festivaldiń negizin qalaýshy jáne uiymdastyrýshy – QR Mádeniet jáne aqparat ministrligi. Kinofestivaldi tikelei uiymdastyrý Sháken Aimanov atyndaǵy «Qazaqfilm» ulttyq kinostýdiiasyna júktelgen.
24-30 qarasha aralyǵynda Almatyda eń basty kino oqiǵasy – «Evraziia» halyqaralyq kinofestivali ótedi. Aibarsha Bójeeva jáne onyń áriptesteri iriktegen filmder ónersúier qaýymǵa naǵyz mereke syilamaq. Tolyǵyraq aqparatpen festivaldiń resmi saitynda tanysýǵa bolady: eurasiaiff.info.
