Statsionarlyq jáne úi karantinimen jalpy 9 myńnan astam qamtyldy. Bul týraly QR Densaýlyq saqtaý vitse-ministri Liýdmila Biýrabekova málim etti, dep habarlaidy "Ult aqparat".
«Statsionarlyq karantinde elimiz boiynsha 3 myńnan astam, al úi karantininde 6 myń adam bar. Statsionarlarda adamdar táýlik boiy dáriger men meiirbike tarapynan baqylaýda bolady. Osy oraida hattamaǵa sáikes dene qyzýy ólshenip, preparattar beriledi. Úi karantinindegi adamdar arnaiy formany toltyryp, karantin tártibin buzǵany úshin belgilengen jaýapkershilik týraly eskertiledi. Sonymen qatar, tazalyq sharalaryn júrgizý, bólmeni jeldetý jáne basqa da qajetti erejeler túsindiriledi», - dedi vitse-ministr onlain tártipte ótken baspasóz máslihatynda.
