Almaty oblysynda «Paratsetamol» dárilik preparatyn 6 mln teńgege satpaq bolǵan azamat ustaldy. Bul týraly Qarjy monitoringi komitetiniń baspasóz qyzmeti habarlady.
2020 jylǵy 15 shildede kúsheitilgen karantin jaǵdaiynda QR QM Qarjy monitoringi komitetiniń Almaty oblysy boiynsha Ekonomikalyq tergeý departamentiniń qyzmetkerleri jedel-izdestirý is-sharalaryn júrgizý barysynda 1993 jyly týǵan Qazaqstan azamaty ustaldy. Ol «Paratsetamol» dárilik preparatyn joǵary baǵamen (plastinasy 300 teńge) tiisti qujattarsyz zańsyz satpaq bolǵan.
Tintý kezinde 6 mln teńge somasyna «Paratsetamol» dárilik preparatynyń 20 000 plastinasy alyndy, olar sarapshy-mamannyń qorytyndysynan keiin jedel respiratorlyq aýrýlardan emdeýge odan ári paidalaný úshin Almaty oblysy ákimdiginiń Densaýlyq saqtaý basqarmasyna tapsyrylatyn bolady.
Atalǵan fakti boiynsha QR QK 214-baby (Zańsyz kásipkerlik) boiynsha tergeý isi bastaldy.
