الماتى وبلىسىندا «پاراتسەتامول» دەرٸلٸك پرەپاراتىن 6 ملن تەڭگەگە ساتپاق بولعان ازامات ۇستالدى. بۇل تۋرالى قارجى مونيتورينگٸ كوميتەتٸنٸڭ باسپاسٶز قىزمەتٸ حابارلادى.
2020 جىلعى 15 شٸلدەدە كٷشەيتٸلگەن كارانتين جاعدايىندا قر قم قارجى مونيتورينگٸ كوميتەتٸنٸڭ الماتى وبلىسى بويىنشا ەكونوميكالىق تەرگەۋ دەپارتامەنتٸنٸڭ قىزمەتكەرلەرٸ جەدەل-ٸزدەستٸرۋ ٸس-شارالارىن جٷرگٸزۋ بارىسىندا 1993 جىلى تۋعان قازاقستان ازاماتى ۇستالدى. ول «پاراتسەتامول» دەرٸلٸك پرەپاراتىن جوعارى باعامەن (پلاستيناسى 300 تەڭگە) تيٸستٸ قۇجاتتارسىز زاڭسىز ساتپاق بولعان.
تٸنتۋ كەزٸندە 6 ملن تەڭگە سوماسىنا «پاراتسەتامول» دەرٸلٸك پرەپاراتىنىڭ 20 000 پلاستيناسى الىندى, ولار ساراپشى-ماماننىڭ قورىتىندىسىنان كەيٸن جەدەل رەسپيراتورلىق اۋرۋلاردان ەمدەۋگە ودان ەرٸ پايدالانۋ ٷشٸن الماتى وبلىسى ەكٸمدٸگٸنٸڭ دەنساۋلىق ساقتاۋ باسقارماسىنا تاپسىرىلاتىن بولادى.
اتالعان فاكتٸ بويىنشا قر قك 214-بابى (زاڭسىز كەسٸپكەرلٸك) بويىنشا تەرگەۋ ٸسٸ باستالدى.
