Qalalar men iri aýdandarda qaldyq jinaityn 84 poligon salý kerek. Bul týraly Ekologiia, geologiia jáne tabiǵi resýrstar ministrliginiń keńeitilgen alqa májilisinde osy vedomstvonyń vitse-ministri Ahmetjan Pirimqulov málim etti, dep habarlaidy QazAqparat.
«Qazirgi kezde ekologiialyq jáne sanitarlyq talaptarǵa sáikes kelmeitin poligondardyń jaǵdaiy mańyzdy máselelerdiń biri bolyp otyr. Ministrlik el boiynsha aýdandyq jáne oblystyq ortalyqtar úshin qajetti poligondardyń sanyna taldaý júrgizdi. Esepteýler boiynsha ortalyqtarda 110 poligon istep tur. Bul rette, birinshi kezeńde qalalar men iri aýdandarda úsh jylda keminde 84 poligon salý kerek», - Pirimqulov.
Onyń aitýynsha, 6 qalada qoqys jaǵatyn zaýyt salý josparda bar (Nur-Sultan, Almaty, Shymkent, Atyraý, Taraz, Aqtóbe). Osy oraida basqa da qalalar bul josparǵa qyzyǵýshylyq tanytyp otyr.
«Biyldyń birinshi jartyjyldyǵynda aýktsion ótkizý jáne energiia óndirýshi uiymdardyń tizbesin qalyptastyrý, al ekinshi jartyjyldyqta qorytyndy shyǵarý eskerilgen», - dedi vitse-ministr.
