Pavlodar oblysynda káriz qudyǵynda 6 adam kóz jumyp, bireýi aýrýhanaǵa tústi, dep habarlaidy ult.kz.
Pavlodar oblysynda qaiǵyly jaǵdai boldy. Oqiǵa búgin Jolaman aýylynda ornalasqan «Aqtogai Milk» JShS aýmaǵynda bolǵan.
Dárigerler oqiǵa ornynda 1963, 1975, 1983, 1998, 2006 jáne 2009 jyly týǵan alty er adamnyń kóz jumǵanyn anyqtady.
Taǵy bir 1988 jyly týǵan er adam ortasha dárejedegi kómirqyshqyl gazymen ýlaný diagnozymen Aqtoǵai aýdandyq aýrýhanasyna jatqyzyldy.
Atalǵan fakti boiynsha qylmystyq is qozǵaldy.
Jelide taraǵan aqparat boiynsha qaiǵyly jaǵdai káriz qudyǵyndaǵy elektr sorǵysynyń aqaýyn joiý jáne jóndeý jumystaryn júrgizý kezinde bolǵan.
