Biyl «Qazatomóndiris» kompaniiasynyń aktsiialaryn satyp alýǵa nietti qazaqstandyqtardyń sany kóp bolǵan. Bul týraly «Samuryq-Qazyna» UÁQ» AQ aktivterdi basqarý jáne jekeshelendirý jónindegi direktsiia basshysy Almasadam Satqaliev málim etti, dep habarlaidy QazAqparat.
«Qazatomóndiris – álemdegi ýran indýstriiasynyń kóshbasshysy. Men ony naryqtyń qazirgi aýmaly-tókpeliligine qaramastan, kez kelgen aktsiialaryn satylymda jaqsy ótkize alatyn kompaniianyń biri dep aitar edim», - dedi Almasadam Satqaliev tikelei efirde ótken baspasóz máslihatynda.
Onyń aitýynsha, kompaniiaǵa qatysty bir ret IRO, eki ret SPO ótkizilgen. Osylaisha, London qor birjasynda, «Astana HQO»-da kompaniianyń 25 paiyzy satylǵan.
«Sarapshylar men qarjylyq analitikterdiń baǵalaýynsha, sońǵy ret satylǵan aktsiialardyń 6,28 paiyzy biregei satylym bolyp otyr. Iaǵni biz áleýetti satyp alýshylarmen aldyn ala jumystaryn jaqsy júrgizip, qazaqstandyqtardyń ol satylymǵa qatysa alýyna erekshe jaǵdai jasadyq. Sheteldik investorlarǵa qaraǵanda qazaqstandyqtarǵa kóbirek ýaqyt berildi.
Bul jerde eki jaǵdaidy erekshe atap ótýge bolady. 2019 jyly satyp alý boiynsha qazaqstandyqtardan 121 ótinim kelse, 2020 jyly 564 ótinim túsken. Iaǵni óziniń investitsiialyq salymyn bank depozitterine ǵana emes, aktsiialarǵa da salǵysy keletin otandastarymyzdyń sany eselep artyp kele jatqanyn atap ótý kerek», - dedi ol.
