56 jastaǵy er adam úiine ketip jatqan 8 jastaǵy qyzǵa tiisip, óz úiine áketýge tyrysqan. Bul týraly “Ne molchi” qory málimdedi, dep habarlaidy ult.kz.
«2026 jyldyń 28 sáýiri tańǵy saǵat 09:00. Beinejazbada 8 jastaǵy qyzdyń úiine qaityp kele jatqany kórinedi. Osy kezde 56 jastaǵy er adam ony toqtatyp, ózimen birge alyp ketedi. Odan keiingi jaǵdaidyń bári kameraǵa túsip qalǵan.
Kadrlarda qyzdyń abdyrap, qatyp qalǵany baiqalady. Er adamnyń oǵan qolyn tigizip, súiip, túrli jerlerinen ustap jatqanyn kórýge bolady. Ol qyzdy óz úiine ertip aparýǵa tyrysqan, tátti alýǵa aqsha beremin dep úgittegen. Bir sátte qyz qashyp qutylyp ketedi. Osydan keiin anasy politsiiaǵa aryz jazǵan.
Alaida bes kúnnen keiin, 3 maýsym kúni keshke qyzdyń anasyna kútpegen jerden sot otyrysyna dereý qosylý qajettigi habarlanǵan. Ol onlain qosylǵanymen, janynda advokat bolmaǵan. Sot protsesine qatysýshylardy da tanymaitynyn aitady. Onyń sózinshe, pikirin eshkim tyńdamaǵan.
Shymkent qalasynyń qylmystyq ister jónindegi aýdanaralyq soty isti qarap, er adamdy bosatqan. Bul qalai bolǵany qoǵamda suraq týǵyzdy
Jábirlenýshi taraptyń aitýynsha, sot otyrysynda oqiǵa beinelengen videolar múlde kórsetilmegen», - dep jazdy qor.
