Jumys berýshi 55 jastan asqan qyzmetkerdi jumysqa shyǵýǵa májbúrlegen jaǵdaida politsiiaǵa habarlasý kerek. Bul týraly Ádilet ministrligi Zańnama departamentiniń direktory Oljas Danabekov málim etti, dep habarlaidy QazAqparat.
«Shynymen de qazirgi kezde 55 jastan asqan adamnyń jumysqa shyqpaýyna keńes berilgen, sondai-aq qajet bolmasa kóshege shyǵýdan tartynǵan jón. Alaida jumysyn jalǵastyryp jatqan mekemeler bar jáne olarda jasy 55-ten asqan adamdar kúzetshi qyzmetinde bolýy múmkin», - dedi O. Danabekov Habar 24 telearnasynda ótken onlain brifingide.
Onyń sózine qaraǵanda, atalǵan máseleni tikelei jumys berýshimen sheshýge keńes biriledi.
«Alaida tiisti ýájge qaramastan, jumysqa shyǵýǵa májbúrlese, onda politsiiaǵa habarlasýǵa bolady. Sáikesinshe, máseleni quqyqtyq jolmen sheshý qarastyrylǵan», - dedi Oljas Danabekov.
