55 jastan asqan adamdardyń jumysqa shyǵýyn barynsha shekteý qajet. Bul týraly Aqordada Tótenshe jaǵdai jónindegi memlekettik komissiianyń otyrysyn ótkizgen QR Prezidenti Qasym-Jomart Toqaev aitty, dep habarlaidy "Ult aqparat".
«Tájiribe «táýekel toby» dep atalatyn tulǵalardyń meditsina júiesine úlken júkteme salatyndyǵyn jáne olardyń arasynda ólim-jitimniń joǵary ekendigin kórsetip otyr. Olar densaýlyǵynda kináraty, sozylmaly aýrýmen aýyratyn 55 jastan asqan azamattar. Olardyń jumysqa shyǵýyn barynsha shektep, úide oqshaýlaný rejimimen qamtamasyz etý qajet», - dedi Qasym-Jomart Toqaev.
Memleket basshysy elimizdegi barlyq halyqqa qyzmet kórsetý ortalyqtaryn ýaqytsha jabý qajettigin basa aitty. Bul rette barlyq qyzmetterdi onlain alý múmkindigi qamtamasyz etilýi tiistigin qatań eskertti.
«Halyqtyń kirýi saqtalatyn qoǵamdyq nysandarda sanitarlyq óńdeý talaptary múltiksiz oryndalýy tiis. Bul rette eshqandai «únemdeý» men «ońtailandyrýǵa» jol joq», - dedi Qazaqstan Prezidenti.
