55 جاستان اسقان ادامداردىڭ جۇمىسقا شىعۋىن بارىنشا شەكتەۋ قاجەت. بۇل تۋرالى اقوردادا تٶتەنشە جاعداي جٶنٸندەگٸ مەملەكەتتٸك كوميسسييانىڭ وتىرىسىن ٶتكٸزگەن قر پرەزيدەنتٸ قاسىم-جومارت توقاەۆ ايتتى, دەپ حابارلايدى "ۇلت اقپارات".
«تەجٸريبە «تەۋەكەل توبى» دەپ اتالاتىن تۇلعالاردىڭ مەديتسينا جٷيەسٸنە ٷلكەن جٷكتەمە سالاتىندىعىن جەنە ولاردىڭ اراسىندا ٶلٸم-جٸتٸمنٸڭ جوعارى ەكەندٸگٸن كٶرسەتٸپ وتىر. ولار دەنساۋلىعىندا كٸنەراتى, سوزىلمالى اۋرۋمەن اۋىراتىن 55 جاستان اسقان ازاماتتار. ولاردىڭ جۇمىسقا شىعۋىن بارىنشا شەكتەپ, ٷيدە وقشاۋلانۋ رەجيمٸمەن قامتاماسىز ەتۋ قاجەت», - دەدٸ قاسىم-جومارت توقاەۆ.
مەملەكەت باسشىسى ەلٸمٸزدەگٸ بارلىق حالىققا قىزمەت كٶرسەتۋ ورتالىقتارىن ۋاقىتشا جابۋ قاجەتتٸگٸن باسا ايتتى. بۇل رەتتە بارلىق قىزمەتتەردٸ ونلاين الۋ مٷمكٸندٸگٸ قامتاماسىز ەتٸلۋٸ تيٸستٸگٸن قاتاڭ ەسكەرتتٸ.
«حالىقتىڭ كٸرۋٸ ساقتالاتىن قوعامدىق نىسانداردا سانيتارلىق ٶڭدەۋ تالاپتارى مٷلتٸكسٸز ورىندالۋى تيٸس. بۇل رەتتە ەشقانداي «ٷنەمدەۋ» مەن «وڭتايلاندىرۋعا» جول جوق», - دەدٸ قازاقستان پرەزيدەنتٸ.
