قازاقستاننىڭ دەنساۋلىق ساقتاۋ مينيسترلٸگٸ رەسەيدٸڭ يركۋتسك وبلىسىنداعى ەپيدەميولوگييالىق جاعدايدى باقىلاۋدا ۇستاپ وتىر, دەپ حابارلايدى ult.kz.
بۇعان يركۋتسك وبلىسىندا اسا قاۋٸپتٸ ينفەكتسيياعا كٷدٸك كەلتٸرٸلگەن جاعداي تۋرالى اقپارات سەبەپ بولعان.
مينيسترلٸكتٸڭ مەلٸمەتٸنشە, قازاقستانداعى ەپيدەميولوگييالىق احۋال تۇراقتى. مەملەكەتتٸك شەكاراداعى ٶتكٸزۋ پۋنكتتەرٸندە سانيتارييالىق-كارانتيندٸك باقىلاۋ جٷرگٸزٸلٸپ جاتىر.
قازٸرگٸ ۋاقىتتا كٶلٸكتٸڭ بارلىق تٷرلەرٸمەن ەلگە كٸرگەن ادامدار اراسىنان دەنە قىزۋى جوعارىلاعان, اۋرۋ بەلگٸلەرٸ نەمەسە اسا قاۋٸپتٸ ينفەكتسيياعا كٷدٸگٸ بار ازاماتتار انىقتالماعان.
الدىن الا باعالاۋ بويىنشا, ينفەكتسييانىڭ قازاقستانعا ەكەلٸنۋ قاۋپٸ تٶمەن دەڭگەيدە.
ال رەسەيدە ماماندار ەپيدەميولوگييالىق تەرگەپ-تەكسەرۋ جٷرگٸزٸپ جاتىر. قازٸرگٸ ۋاقىتتا ىقتيمال جۇقتىرۋ كٶزٸ مەن وقيعانىڭ مەن-جايلارى انىقتالۋدا. دياگنوز ەزٸرگە رەسمي تٷردە راستالعان جوق.
مەديتسينالىق باقىلاۋدا 197 بايلانىستا بولعان ادام بار. قولدا بار مەلٸمەت بويىنشا, ولاردان اۋرۋ بەلگٸلەرٸ انىقتالماعان, زەرتحانالىق زەرتتەۋ نەتيجەلەرٸ تەرٸس.
سونداي-اق شەلەحوۆ اۋداندىق اۋرۋحاناسىندا قاجەتتٸ ەپيدەميياعا قارسى شارالار جٷرگٸزٸلٸپ جاتىر.
رەسەيدٸڭ روسپوترەبنادزورى 4 قازاندا يركۋتسك وبلىسىندا, يركۋتسك قالاسى مەن شەلەحوۆتا سانيتارييالىق-ەپيدەميولوگييالىق جاعداي تۇراقتى ەكەنٸن حابارلاعان. ۆەدومستۆو وبا اۋرۋىنىڭ جاعدايلارى انىقتالماعانىن مەلٸمدەدٸ.
ال يركۋتسك وبلىسىندا قايتىس بولعان 28 جاستاعى ەيەلدٸڭ ٶلٸم سەبەبٸ ەزٸرگە ەتيولوگيياسى انىقتالماعان پنەۆمونييا رەتٸندە سيپاتتالىپ وتىر.
دەنساۋلىق ساقتاۋ مينيسترلٸگٸ ازاماتتارعا تەك رەسمي اقپارات كٶزدەرٸنە سەنۋگە كەڭەس بەردٸ. ساپاردان كەيٸن اۋرۋ بەلگٸلەرٸ پايدا بولسا, مەديتسينالىق كٶمەككە جٷگٸنٸپ, دەرٸگەرگە بارعان جەرٸ مەن ساپار كٷندەرٸ تۋرالى حابارلاۋ قاجەت.
