ماڭعىستاۋداعى قايعىلى وقۋ-جاتتىعۋدان امان قالعان ەسكەري قىزمەتشٸلەر مەرزٸمدٸ قىزمەتٸن اياقتاپ, ٷيلەرٸنە ورالدى. ولاردىڭ ەلگە ورالعان سەتٸ ەلەۋمەتتٸك جەلٸدە تارادى, دەپ حابارلايدى ult.kz.
Lada.kz باسىلىمىنىڭ جازۋىنشا, 19 جاستاعى جاڭاٶزەندٸك اقجول تەمٸرحان وقۋ-جاتتىعۋدان كەيٸن اۋرۋحانادا ەمدەلٸپ, جاقىندا ٷيٸنە شىققان. بلوگەر ازامات سەرسەنباەۆ ساربازدىڭ اتا-اناسىمەن بٸرگە تٷسكەن كادرلارىن جارييالادى.
اقجول ماڭعىستاۋدان شاقىرىلعان ساربازدار اراسىنان قايعىلى وقيعادان امان قالعان جالعىز ەسكەري قىزمەتشٸ ەكەنٸ ايتىلدى. ول قازا تاپقان قارۋلاستارىنىڭ وتباسىلارىنا بارىپ, كٶڭٸل ايتۋدى جوسپارلاپ وتىر.
سونىمەن قاتار اتىراۋلىق قۋاندىق بەكەت پەن باتىس قازاقستان وبلىسىنىڭ تۇرعىنى نيكيتا ۋدالوۆ تا ەسكەري قىزمەتٸن اياقتاپ, ٷيلەرٸنە ورالعان.
