Densaýlyq saqtaý ministrligi emhanalar janynan qurylatyn mobildi brigadalardyń qyzmeti halyqqa tegin bolatynyn málimdedi, dep habarlaidy "Ult aqparat" ministrliktiń baspasóz qyzmetine silteme jasap.
«Bul (mobildi toptar) – halyqqa tegin kórsetiletin jedel járdemniń jańa qyzmeti. Memleket ár shaqyrtý boiynsha MÁMS (Mindetti áleýmettik-meditsinalyq saqtandyrý) qory arqyly tóleitin bolady. Olar naýqastarmen bailanysta bolǵandardan jáne simptomy barlardan COVID-19-ǵa PTR-test alady», - dedi ministrlikten.
Málim etilgendei, mobildi brigadalar emhanalar janynan qurylǵan. Qyzmeti - koronavirýs simptomy bar jáne pnevmoniiamen aýyrǵandardy, sondai-aq statsionarda emdelip shyqqan naýqastardy baqylaý.
«Sonymen birge mobildi toptar sozylmaly aýrýy bar adamdardy, júkti áielder men balalardy úiinde baqylaityn bolady. Mobildi brigadalardyń qyzmet tólemin Mindetti áleýmettik-meditsinalyq saqtandyrý qory júrgizedi. Ár shaqyrtý úshin emhanalarǵa 5400 teńge aýdarylady. Mobildi toptardyń qyzmetkerleri jeke qorǵanys quraldarymen, pýlsoksimetrlermen jáne basqa da kerek-jaraqpen qamtamasyz etiledi», - delingen habarlamada.
Eske sala ketsek, budan burynǵy baspasóz máslihatynda Densaýlyq saqtaý ministri Aleksei Tsoi Qazaqstanda koronavirýsty jeńil jáne simptomsyz kóteretin adamdarǵa kóshpeli brigadalar qyzmet kórsetetinin habarlaǵan bolatyn.
