Foto: iStok.com
Memlekettik kirister komiteti tabysyn tómendetken blogerlerge habarlama jibere bastady, dep habarlaidy Ult.kz.
"Túrli aqparat kózderinen alynǵan derekterde usynylǵan salyq deklaratsiialarynyń málimetterimen salystyrý qorytyndysy boiynsha 594 tulǵanyń tabysynda 53,3 mlrd teńgege sáikessizdik anyqtaldy. Olarǵa 13-14 aqpan aralyǵynda «kiristi tómendetý» zań buzýshylyǵy boiynsha kameraldyq baqylaý habarlamalary jiberildi", — delingen habarlamada.
Osy oraida memlekettik kiris organdary salyq mindettemelerin tolyq oryndaý maqsatynda blogerler men jeke tulǵalarǵa salyqtyq ákimshilendirýdi turaqty negizde júrgiziletinin habarlap otyr.
"Baqylaý sharalaryn júrgizý kezinde memlekettik kiris organdary ýákiletti memlekettik organdarmen, uiymdarmen jáne ózge de tulǵalarmen ózara jumys isteidi. Habarlamany oryndaý maqsatynda derbes eseptelgen salyqtardy tólei otyryp, qosymsha salyq esebin tapsyrady, al habarlamamen kelispegen jaǵdaida sebebin túsindirý qajet", — deidi kirister komitetinen.
Osylaisha tabysyn jasyrǵan blogerlerge salyq máselesin sheshýge 30 kún berildi.
"Tabys alý kezinde salyqtardy tóleý qajettiligine, onyń ishinde ártúrli internet-resýrstarynda onlain-jarnamalardy jariialaýǵa (úiretý, satý, ártúrli oqytý kýrstaryn satý, utys oiyndaryn ótkizý jáne t. b.) nazar aýdaramyz. Atalǵan mindettemeler Qazaqstan Respýblikasynyń Konstitýtsiiasynda jáne Salyq kodeksinde belgilengen", — dep tolyqtyrylǵan habarlama.
Buǵan deiin bloger Álisher Elikbaev ta salyq komitetinen habarlama alǵanyn jazǵan.
