Biyl 4 835 kóp balaly otbasy turǵyn úimen qamtamasyz etiledi. Bul týraly QR IIDM Qurylys jáne turǵyn úi kommýnaldyq sharýashylyq ister komitetiniń tóraǵasy Marhabat Jaiymbetov aitty, dep habarlaidy "Ult aqparat".
«Búgingi kúni 530 myńnan astam azamat turǵyn úi kezeginde tur. Kórsetilip jatqan qoldaýdyń ashyqtyǵyn qamtamasyz etý úshin osy jyly Kezekte turǵandardyń biryńǵai respýblikalyq bazasy iske qosyldy. Osy baza memlekettik organdardyń aqparattyq júielerimen integratsiialanǵan jáne onda turǵyn úige muqtaj azamattar men kezekte turǵandar boiynsha anyq málimetter bar», - dedi komitet tóraǵasy Ortalyq kommýnikatsiialar qyzmetindegi baspasóz máslihatynda.
Sonymen qatar ol Elbasynyń jáne Memleket basshysynyń tapsyrmasy boiynsha birinshi kezekte kóp balaly otbasylar satyp alý quqyǵynsyz jalǵa beriletin turǵyn úimen qamtamasyz etiletindigin aitty.
«Baǵdarlama iske asyrylǵan kezeń ishinde 30 myń otbasyna turǵyn úi berýdi kózdep otyrmyz. Onyń ishinde biyl 4 835 otbasy turǵyn úimen qamtamasyz etiletin bolady», - dedi Marhabat Jaiymbetov.
