53 myń qazaqstandyq talapker joǵary bilimdi tegin memleket esebinen alady, dep habarlaidy "Ult aqparat" QR Bilim jáne ǵylym ministrliginiń baspasóz qyzmetine silteme jasap.
Elimiz boiynsha maýsym aiynda UBT tapsyrǵan jáne shekti ball jinaǵan talapkerlerden memlekettik bilim grantyn taǵaiyndaý konkýrsyna qatysý úshin ótinishter qabyldanyp jatyr.
«Biyl memlekettik bilim grantyna úmitkerlerdiń sany 80 myńnan asady, onyń ishinde 61 039 talapker qujattaryn eGov.kz elektrondyq úkimet portaly arqyly tapsyrǵan. Grantqa qujattardy JOO-nyń virtýaldy qabyldaý komissiiasy arqyly da tapsyrýǵa bolady. Mamandar beinebailanys arqyly talapkerlerge keńes berip, qajetti bilim berý baǵdarlamasyn tańdaýǵa kómektesedi. JOO-nyń virtýaldy qabyldaý komissiiasy arqyly 9 472 talapker qujat tapsyrǵan. Qujattardy osyndai tásilmen tapsyrý elektrondyq tsifrlyq qoltańbasy (ETsQ) joq azamattar úshin yńǵaily. Qujattardy 30 shildege deiin tapsyrýǵa bolady», delingen habarlamada.
Baspasóz yqzmetiniń málimetinshe, 53 myń qazaqstandyq talapker joǵary bilimdi tegin – memleket esebinen alady.
«Memleket eńbek naryǵynda neǵurlym suranysqa ie kadrlardy daiarlaýǵa aqsha bóledi, onyń ishinde aqparattyq tehnologiialar salasyndaǵy mamandarǵa, pedagogter men qurylysshylarǵa degen úlken suranys baiqalady. Osy úrdisti eskere otyryp, atalǵan baǵyttar boiynsha memlekettik tapsyrys kólemi de artýda. Granttar ýniversitetterge bólinbeidi, iaǵni úmitkerlerdiń sońynan júredi - bári olardyń tańdaýyna bailanysty ekendigin aita ketken jón», delingen habarlamada.
Mysaly, 2020-2021 jyldary «Aqparattyq tehnologiialar» mamandyǵyna kóp grant bólingen, atap aitsaq 2 468 grant. Bolashaq IT-mamandardy elimizdiń 49 joǵary oqý ornynda oqytady.
«Qoǵamdyq densaýlyq saqtaý» mamandyǵy boiynsha 2 147 grant bólingen. Bul sala boiynsha mamandardy 11 meditsinalyq ýniversitet daiyndaidy. Jalpy, meditsinalyq qyzmetkerlerdi oqytýǵa biýdjetten biyl 2 700 orynǵa qarjy bólindi.
8 myńnan astam biýdjettik oryn pedagogika salasyndaǵy mamandyqtarǵa tiesili. Olardyń ishinde eń kóbi – «Mektepke deiingi oqytý jáne tárbieleý» (789 grant), «Shet tili muǵalimderin daiarlaý» (760 grant), «Himiia muǵalimderin daiarlaý» (740 grant), «Fizika muǵalimderin daiarlaý» (730 grant), «Biologiia muǵalimderin daiarlaý» (730 grant), «Bastaýysh oqytýdyń pedagogikasy men ádistemesi» (660 grant), «Matematika muǵalimderin daiarlaý» (500 grant), «Gýmanitarlyq pánder boiynsha muǵalimderdi daiarlaý» (350 grant), «Dene shynyqtyrý muǵalimderin daiarlaý» (200 grant), Sondai-aq alǵashqy áskeri daiyndyq muǵalimi (20), mýzyka muǵalimi (30), kórkem eńbek jáne syzý muǵalimderin daiarlaý (30) baǵyttary boiynsha da grant utyp alýǵa bolady.
«Elektrotehnika jáne energetika» (1 800), «Taý-ken isi jáne paidaly qazbalardy óndirý» (1 702), «Mehanika jáne metall óńdeý» (1 500) mamandyqtary boiynsha kóp grant bólingen.
Gýmanitarlyq baǵyttaǵy 12 mamandyq boiynsha 1 285 biýdjettik oryn bólingen, atap aitqanda, filosofiia jáne etika, din jáne teologiia, tarih jáne arheologiia, aýdarma isi, filologiia, áleýmettaný, saiasattaný, jýrnalistika men reporterlik is jáne t.b.
Sonymen qatar, memleket tarapynan «Biologiia jáne aralas ǵylymdar» (650 grant), «Fizika» (852 grant), «Himiia» (670 grant), «Matematika jáne statistika» (600 grant), «Aqparattyq qaýipsizdik» (600 grant), «Kommýnikatsiia jáne kommýnikatsiialyq tehnologiialar» (500 grant), «Elektrotehnika jáne avtomattandyrý» (720 grant), «Jer týraly ǵylym» (450 grant) jáne taǵy basqa baǵyttar qarjylandyrylady.
Talapkerler aýyl sharýashylyǵy salasyndaǵy – «Veterinariia» (825 biýdjettik oryn), «Ósimdik sharýashylyǵy» (470), «Agroinjeneriia» (360) mamandyqtary boiynsha da konkýrsqa qatysa alady.
Esterińizge sala keteiik, JOO-nyń akademiialyq erkindigi sheńberinde 2019 jyldan bastap Bilim berý baǵdarlamalarynyń tizilimi júrgizilýde, bul aýqymdy tehnikalyq jáne mazmundy saraptama júrgizý arqyly baǵdarlamalardyń sapasyn baǵalaýǵa múmkindik berdi. Búgingi tańda tizilimge 9 130 bilim berý baǵdarlamasy engizilgen, onyń ishinde 541 jańa jáne 83 innovatsiialyq baǵdarlama.
Máselen, 1 qyrkúiekten bastap elimizdiń joǵary oqý oryndary «Derekterdi qoldanbaly taldaý», «Tehnologiialardy jáne innovatsiialardy basqarý», «Bioinjeneriia», «Tsifrlyq aýdarma», «Sport jýrnalistikasy», «IT-kásipkerlik jáne tsifrlyq ekonomika», «Sandyq pedagogika», «Jasandy intellektisi bar joǵary júktelgen aqparattyq júieler», «Aqparatty óńdeý jáne derekterdi vizýalizatsiialaý», «Tsifrlyq analitikalyq bilim berý júielerin jobalaý», «Tabiǵi-tehnogendik qaýip-qaterler», «Aýyl sharýashylyq ekologiiasy», «Meditsinalyq quqyq», «Qoldanbaly epidemiologiia» jáne t.b. mamandyqtar boiynsha kadrlardy daiarlaidy.
