Jelide Aqtóbede órtengen avtobýstyń sýretteri men oqiǵa bolǵan tustan túsirilgen videolar paida boldy, - dep habarlaidy "Ult aqparat".
Eske sala keteiik, osyǵan deiin Aqtóbede avtobýs órtenip, 52 adamnyń qaza tapqany jaily habarlanǵan bolatyn. Ikarus markaly avtobýstyń 18 qańtarda saǵat 10:30-da Aqtóbe oblysy Yrǵyz aýdanynda Samara - Shymkent tasjolynyń 1068 shaqyrymynda Qalybai aýylynan 10 shaqyrym jerde órtengeni aitylǵan edi. Avtobýstyń ishinde 55 jolaýshy jáne eki júrgizýshi bolǵan. Aldyn ala málimet boiynsha, olardyń ekeýi - Qazaqstan, al qalǵandary - Ózbekstan azamattary. Onyń beseýi avtobýstan shyǵyp úlgergen.
Oqiǵa ornyna politsiia, tótenshe jaǵdailar qyzmeti, psihologtar men dárigerler jetti. Yrǵyz aýdandyq aýrýhanasy 6 mamandy jiberdi.
Qazirgi kezde Aqtóbe oblysynyń ortalyǵynan sanaviatsiia qyzmeti ushyp ketti. Órtten aman qalǵandar ortalyqqa jetkizilýi múmkin.
