«Jolaýshylar tasymaly» AQ №51/52 «Almaty-2 – Oral» baǵytyndaǵy poiyz 2020 jylǵy 2 jeltoqsannan bastap qaita jolǵa shyǵatyny týraly habarlady.
Aktsionerlik qoǵamnyń málimetinshe, poiyz Almaty-2 stansasynan jup kúnderi jóneltilip, Oral stansasyna 2020 jylǵy 4 jeltoqsannan bastap keletin bolady.
«Jolaýshylar poiyzdarynyń qozǵalys kestesi boiynsha barlyq aqparatty «105» nómiri arqyly alýǵa bolady. Ulttyq tasymaldaýshy jolaýshylardan jol júrý qujattaryn onlain, sonyń ishinde resmi BILET.RAILWAYS.KZ saity arqyly resimdeýlerin jáne koronavirýstyq infektsiianyń taralýy kezeńinde sanitarlyq-epidemiologiialyq talaptardy saqtaýdy suraidy»,-delingen «Jolaýshylar tasymaly» AQ baspasóz qyzmetiniń habarlamasynda.
