QR Ulttyq banki 500 jáne 1000 teńge nominalyndaǵy banknottardy qabyldaýdan bas tartqany úshin aiyppul salynatynyn eskertti, dep habarlaidy "Ult aqparat".
«2006 jylǵy úlgidegi 500 teńgelik banknottar zańdy tólem quraly bolyp tabylady. Olardy tólemniń barlyq túri boiynsha qabyldaýǵa mindetti. Eger kásipkerler mundai aqshany qabyldaýdan bas tartsa, QR Ákimshilik quqyq buzýshylyq týraly kodekstiń 206-babyna sáikes, eskertý jasalady. Eger jaǵdai bir jyl ishinde taǵy qaitalansa, onda 5-ten 25 AEK (1 AEK – 2651 teńge) kólemine deiin aiyppul salynady», – dep habarlady Ulttyq bankten.
Mundai shaǵymmen azamattar Ulttyq banktiń eń jaqyn bólimshesine júgine alady. Olar qajetti sharany qoldanady.
Sondai-aq Ulttyq banktiń habarlaýynsha, «Kúltegin» túrki jazba eskertkishine arnalyp, 2013 jyly shyǵarylǵan 1000 teńgelik banknot – zańdy tólem quraly. Ol tólemniń barlyq túri boiynsha qabyldanýy tiis. Banknottar tek ábden tozǵan jaǵdaida ainalymnan alynady.
Ekinshi deńgeili bankter jáne bank operatsiialarynyń jekelegen túrlerin júzege asyratyn uiymdar banknottardy qabyldaýdan, aiyrbastaýdan bas tartsa, olarǵa 50 AEK mólsherinde aiyppul salynady.
«Aqshany almaǵan jaǵdaida muny videoǵa túsirip, ne bolmasa sizden bul aqshany qabyldai almaitynyn jazbasha jazyp berýin talap etińiz», - deidi Ulttyq banktegiler.
500 teńgelik banknottar 2020 jyldyń 10 maýsymyna deiin ainalymda bolady.
