BQO Aqjaiyq aýdandyq politsiia bólimi bastyǵynyń tergeý jónindegi orynbasary Artýr Ábilhaiyrovqa 7,5 million teńge aiyppul salyndy, - dep habarlaidy Tengrinews.kz agenttigi jergilikti "Moi Gorod" basylymyna silteme jasap.
Oral qalalyq sotynyń habaryna qaraǵanda, Ábilhaiyrovqa "Alaiaqtyq" baby boiynsha aiyp taǵylǵan. Is materialdarynan belgili bolǵandai, biyl 5 aqpanda Chapaev-Jalpaqtal tasjolynda politsiia qyzmetkerleri Iavorskii tizgindegen GAZ-2752 avtokóligin toqtatqan. Iavorskiidiń júrgizýshi kýáligi bolmaǵan jáne alkogol iisi shyqqan. Alaida ol meditsinalyq tekserýden ótýden bas tartqan soń, politseiler kóligin Aqjaiyq óńirindegi arnaiy turaqqa qoiyp, júrgizýshiniń ózi oblystyq politsiia departamentine jetkizilgen. Artýr Ábilhaiyrov aýdandyq politsiia bólimi bastyǵynyń orynbasary bola tura, qyzmettik babyn paidalanbaq bolǵan.
"Ábilhaiyrov osy qylmystyq isti júrgizip jatqan tergeýshi Orynǵaliulyna qanda alkogol bolý deregin anyqtaý úshin Iavorskiiden qan úlgilerin alýǵa aýyzsha nusqaý bergen. Olardy tergeýshi sot himiia-toksikologiialyq jáne sot-narkologiialyq saraptamalaryn júrgizý úshin Ábilhaiyrovqa tapsyrǵan. Keshke Iavorskii Ábilhaiyrovtyń talaby boiynsha onyń qyzmettik kabinetine barǵan. Onda politsei qylmystyq isti toqtatyp, arnaiy turaqtan avtokóligin qaitaryp berý úshin 500 myń teńge talap etken. Iavorskii basqa amaly bolmaǵandyqtan Ábilhaiyrovtyń zańsyz talabyna kelisken", - delingen is materialdarynda.
