Álemde koronavirýs juqtyrǵandar arasynda jalpy ólim kórsetkishi 1,38% paiyzdy quraidy jáne bul adamnyń jasyna bailanysty artyp otyrady. Iaǵni, 10 jasqa deiingi balalar arasynda ólim kórsetkishi 0,0016% bolsa, 80 jastan asqandarda 7,8%-ǵa jetedi, dep habarlaidy QazAqparat The Guardian basylymyna silteme jasap.
«Zertteý nátijeleri kórsetkendei, 10-19 jas aralyǵyndaǵy koronavirýs juqtyrǵandar statsionarlyq em qabyldaǵan. Al 80 jastan asqandardyń 18 paiyzyn aýrýhanaǵa jatqyzý qajet bolǵan», - dep jazady avtor.
Zertteý avtorlarynyń aitýynsha, infektsiianyń aýyr ótýi orta jastaǵy adamdar arasynda da baiqalǵan.
«40 jastan asqandardyń 4 paiyzy, 50 jastan asqandardyń 8 paiyzy statsionarlyq em-domdy qajet etken», - dep jazady avtor.
Zertteý qorytyndysy Lancet meditsinalyq jýrnalynda jariialandy. Zertteý 70 myńnan astam adamnyń analizi negizinde jasalǵan.
«Bul zertteý elý jastan asqandarda aýrý juqtyrý qaýpi basym ekenin jáne infektsiia juqtyrǵan kúnniń ózinde asqyný kóbirek bolatynyn kórsetedi.
