«50 myń teńge alý úshin tólem júrgizý qajettiligi» týraly taraǵan aqparat jalǵan, dep habarlaidy "Ult aqparat" Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Ministrliktiń habarlaýynsha, messendjerler men áleýmettik jelide taraǵan 50 myń teńge mólsherinde áleýmettik kómek taǵaiyndaý boiynsha qyzmetter úshin 3 120 teńge mólsherinde tólemdi júzege asyrý qajettigi týraly aqparat shyndyqqa janaspaidy.
«QR Eńbek jáne halyqty áleýmettik qorǵaý ministrligi Qazaqstanda taǵaiyndalýy mindetti túrde qandai da bir tólemderdi aýdarýǵa «bailanystyrylǵan» járdemaqylar men áleýmettik tólemder joq ekenin habarlaidy. Azamattardan jalǵan aqparatqa nazar aýdarmaýdy jáne aqparatty tek resmi kózderden ǵana alýdy suraimyz», delingen habarlamada.
Vedomstvo jalǵan aqparatty taratýǵa zańda jaýapkershilik qarastyrylǵanyn eskertti.
