Messendjerlerde taratylyp jatqan «50 myń teńge alý úshin BJT tóleý qajettiligi» týraly aqparat jalǵan. QR Eńbek jáne halyqty áleýmettik qorǵaý ministrligi osylai málim etti, dep habarlaidy "Ult aqparat" vedomstvonyń baspasóz qyzmetine silteme jasap.
«Messendjerlerde 50 myń teńge mólsherinde járdemaqy taǵaiyndaý úshin ekinshi deńgeidegi bankterdiń ártúrli shottary arqyly biryńǵai jiyntyq tólemdi (BJT) tóleýdi júzege asyrý qajettiligi týraly taratylǵan aqparat shyndyqqa sáikes kelmeidi», delingen habarlamada.
QR Eńbek jáne halyqty áleýmettik qorǵaý ministrligi Qazaqstanda BJT-ny májbúrlep aýdarýǵa «bailanystyrylǵan» eshqandai járdemaqy, tólem joq dep habarlaidy.
«Azamattardan jalǵan aqparatqa nazar aýdarmaýyn jáne aqparatty tek resmi kózderden ǵana alýyn suraimyz. Jalǵan aqparatty taratý zań boiynsha jazalanatynyn eske salamyz», delingen habarlamada.
