Foto:Sputnik / Abzal Kaliev
Májiliste qylmystyq jolmen alynǵan kiristerdi zańdastyrýǵa (jylystatýǵa) jáne terrorizmdi qarjylandyrýǵa qarsy is-qimyl máseleleri boiynsha Zańynyń jobasy talqylanyp jatyr, dep habarlaidy Ult.kz.
Zań jobasynda mynalar kózdeledi:
- ýákiletti organdy bekite otyryp, qarjylyq monitoringtiń jańa sýbektilerin (qarjy quraldarymen jasalatyn mámileler boiynsha kliringtik qyzmetti júzege asyratyn uiymdar, óz qyzmetin taýar birjasynda júzege asyratyn jáne birjalyq taýarlarmen mámileler jasaityn birjalyq brokerler, uialy bailanys operatorlary, «Azamattarǵa arnalǵan úkimet» memlekettik korporatsiiasy) engizý;
- qarjylyq monitoring sýbektileriniń ýákiletti organǵa kúdikti qyzmet týraly habarlar jiberýi boiynsha mindettemeni engizý;
- mádeni qundylyqtardy qolma-qol nysanda satyp alý (satý), mádeni qundylyqtardy Qazaqstan Respýblikasyna ákelý ne Qazaqstan Respýblikasynan áketý jónindegi operatsiialar, sondai-aq somasy 5000000 teńgege teń nemese odan asatyn tsifrlyq aktivtermen jasalatyn operatsiialar boiynsha shekti belgileý.
Sonymen qatar, kiristerdi jylystatý jáne terrorizmdi qarjylandyrý qaýip-qaterin baǵalaý júiesin 2 deńgeige – qarjylyq monitoring jónindegi ýákiletti organ júrgizetin ulttyq baǵalaýǵa jáne ýákiletti organmen kelisilgen ádisnamanyń negizinde qarjylyq monitoring sýbektileriniń KJ TQQ týraly Qazaqstan Respýblikasynyń zańnamasyn saqtaýyna óz quzyreti sheginde baqylaýdy júzege asyratyn memlekettik organdar júrgizetin sektorlyq baǵalaýǵa bólý usynylady.
"Bul bizge qaýip-qaterlerge jedel áreket etýge jáne olardy josparlaý kezeńinde qarjylyq qylmystardyń jolyn kesýge múmkindik beredi. Budan basqa, uialy bailanys operatorlary men «Azamattarǵa arnalǵan úkimet» qarjylyq monitoringtiń jańa sýbektileri bolady. Uialy bailanys operatorlary mobildi teńgerimdi tolyqtyrý týraly, al «Azamattarǵa arnalǵan úkimet» notariýstardaǵy mámilelerge uqsas jyljymaityn múlikpen 50 mln teńgeden astam somaǵa jasalatyn mámileler boiynsha aqparat beredi. Bul quraldar kúdikti operatsiialardy tiimdirek anyqtaýǵa jáne jolyn kesýge yqpal etedi", – deidi Qarjylyq monitoring agenttigi tóraǵasynyń orynbasary Jeńis Elemesov.
