Aldaǵy 5 jyldyń ishinde jumyssyz júrgen 130 myń adam eńbek naryǵynda qajetti daǵdylardy onlain formatta oqidy. Bul týraly Májilistegi «Nur Otan» partiiasy parlamenttik fraktsiiasynyń keńeitilgen otyrysynda Úkimet basshysy Asqar Mamin aitty, dep habarlaidy QazAqparat.
«Halyqtyń jumyspen qamtylýyn saqtaý jáne arttyrý jóninde keshendi sharalar júzege asyrylady. Nátijesinde jumyssyzdyq deńgeii 4,7 paiyzdy quraidy. 2021 jáne 2023 jyldardyń aralyǵynda bul kórsetkishtiń máni 4,9 paiyz deńgeiinde qamtamasyz etilip, odan ári maqsatty indikatorǵa deiin qysqartylady», - dedi Úkimet basshysy «Nur Otan» partiiasynyń «Ózgerister joly: ár azamatqa laiyqty ómir!» Sailaý baǵdarlamasyn oryndaýdyń Jol kartasyn talqylaý barysynda.
Onyń atap ótýinshe, aldaǵy 5 jyldyń ishinde jumyssyz júrgen 130 myń adam eńbek naryǵynda qajetti daǵdylardy onlain formatta oqidy. 2021 jyly mundai múmkindik 5 myń adamǵa berilip, jyl saiyn onyń qatary keńeiip, 2023 jylǵa qarai 35 myń adamǵa jetkiziledi Jumyspen qamtýydyń belsendi formasymen jyl saiyn keminde 700 myń adam qamtylady.
«IT-salasynda shamamen 100 myń, týrizm salasynda 170 myń jańa jumys orny ashylyp, aýyl sharýashylyǵynda 500 myń adam jumyspen qamtylady», - dedi Asqar Mamin.
