Kollaj: Ult.kz/ Anar Beket instagram paraqshasynan
Qazaqstandyq stendap-komik Anar Beket áleýmettik jelidegi paraqshasynda jazba jariialap, balalyq shaǵynda jynystyq zorlyq qurbany bolǵanyn aitty, dep habarlaidy Ult.kz.
Anardyń aitýynsha, ata-anasy otbasynyń qamyn oilap, kúndiz-túni eńbek etkendikten, bos ýaqyttary bolmaǵan. Sol sebepti ol kóp jaǵdaida ájesi men atasynyń qolynda tárbielengen.
«Meniń esimim – Anar. Bul – ómirde bolǵan shynaiy oqiǵa. Men Pavlodar qalasynda qarapaiym januiada dúniege keldim. Ákem elektrik bolyp eńbek etti, al anam úi sharýasymen ainalysty. Ol toqsanynshy jyldar edi. Ata-anam bizdi asyraý úshin qoldan kelgenniń bárin jasady, sondyqtan meni jii ákemniń áke-sheshesine, iaǵni ájem men atama qaldyryp ketetin», – dep jazady ol.
Stendap-komiktiń aitýynsha ashyq-jarqyn, belsendi bala bolǵan, alaida jii aýyratyndyqtan balabaqshaǵa barmaǵanyn. Bir kúni ata-ájesi de az ýaqytqa ketip qalǵanda, janynda qalǵan nemere aǵasy ony zorlaǵan.
«Birde ájem men atam sharýamen shyǵyp ketkende, men úide nemere aǵammen qaldym. Ol 17 jasta boldy. Al men óte kishkentai bolyp, eshteńeni túsinbeitinmin. Dál sol ýaqytta ata-anam meni balalar ginekologyna apardy, óitkeni bólindiler men jaraqattar paida bolǵan edi. Sondai-aq, men sol nemere aǵamnyń úiinen zattar urlamaq bolyp, ustalyp qalǵanda qatty urys estigenim de esimde. Qazir barlyq faktilerdi salystyra otyryp, munyń balalyq kek alý bolǵanyn túsinemin. Bul – onyń maǵan jasaǵan áreketine qarsy beisanaly qarsylyq», – dedi ol.
Onyń sózinshe adam miy kóbine janyńdy aýyrtatyn estelikterdi buǵattaidy. Uzaq ýaqyt boiy ol bulyńǵyr qysqa esteliktermen ómir súrgen. Keiin tek psihologpen jumys istep, anasymen ashyq sóileskennen keiin ǵana olardyń shynaiy mánin túsingen.
Osylaisha Anar barlyq ata-anany balanyń minezindegi kez kelgen ózgeriske bei-jai qaramaýǵa shaqyrdy.
«Olardy muqiiat tyńdańyzdar. Eń bastysy – bes jasar balany onyń tolyq qaýipsizdigine senimdi bolmai eshqashan jáne eshkimmen jalǵyz qaldyrmańyzdar», – dedi stendap-komik.
