Foto: Tengrinews.kz
Bes jasar qyzdyń óliminen keiin Saryaǵash aýdandyq sotynyń tóraǵasy qyzmetinen bosatylýy múmkin, - dep habarlaidy "Ult aqparat" Joǵarǵy sottyń baspasóz qyzmetine silteme jasap.
"Joǵarǵy sot tarapynan kámeletke tolmaǵan qyzdy óltirgen kúdiktige qatysty mamyr aiyndaǵy zańsyz úkim shyǵarý deregi boiynsha qyzmettik tekserý júrgizildi.
Nátijesinde Túrkistan oblysy Saryaǵash aýdandyq sotynyń tóraǵasyn qyzmetinen bosatý týraly másele qozǵaldy", - delingen habarlamada.
Eske salaiyq, buǵan deiin Túrkistan oblysynda kámeletke tolmaǵan qyz aýyl turǵynynyń úiinen óli tabylǵany habarlanǵan edi.
Keiin Prezident Qasym-Jomart Toqaev bul isti nazaryna alǵanyn aityp, Bas prokýratýra men Ishki ister ministrligine qaiǵyly oqiǵanyń mán-jaiyn muqiiat tekserýdi tapsyrdy.
