Búgin senator Sársenbai Eńsegenov Atyraý oblysyndaǵy balyqtardyń jappai qyrylý máselesin kóterdi, dep habarlaidy Baq.kz agenttigi.
Eńsegenov QR Premer-ministri Baqytjan Saǵyntaevqa joldaǵan saýalynda balyqtardyń jappai qyrylýynyń aldyn alýǵa keshindi sharalar qajet ekenin aitqan.
«Atyraý oblysy aýmaǵyndaǵy Jaiyq ózeninde balyqtardyń jappai qyrylýyna bailanysty azamattar alańdaýshylyq bildirýde. Qazaqstandaǵy sý aidyndarynda, sonyń ishinde Jaiyq - Kaspii basseiine qarasty sýlarda balyqtardyń azdy-kópti qyrylýy sońǵy jyldary jii oryn alyp otyr. Degenmen, jeltoqsan aiynyń ishindegi balyqtardyń jappai qyrylýynyń kólemi men odan kelgen zalal mólsheri orasan. Jaiyq ózeninen bir mezette 5 tonnadan astam óli balyq jinalsa, sońǵy aqparattar boiysha «Jaiyq-Atyraý» bekire ósirý zaýytynyń 164 bekire tuqymdas balyǵy ólgen. Sol siiaqty «Lýgovoi at zaýyty» JShS-niń toǵanynan alynǵan 1647 bekire tuqymdas balyqtardyń 42-nen basqasy ólgen. Kásiporyn jalpy sany 30 myńnan astam baǵymdaǵy bekire tuqymdas balyqtan aiyrylǵan», - dedi Eńsegenov.
Depýtattyń aitýynsha, balyqtardyń jappai qyrylýyna ózenge ammiaktyń tógilýi sebep bolýy múmkin degen boljam bar. Ólgen balyqtardyń etinen ammiaktyń tabylýy osy boljamdy bekite túsetindei. Sonymen birge, Jaiyq ózeninde ziiandy zattardyń mólsheri shekten joǵary degen de pikirler aitylýda.
«Qazirgi kezde «Atyraý sý arnasy» MMK, «Atyraý JEO» AQ men Atyraý qalasyndaǵy eki bekire balyǵyn ósiretin zaýyttar tekserilýde. Salaaralyq komissiia da jumys isteýde. Degenmen, qalyptasqan jaǵdaida qosymsha sharalar alý qajet. Jaiyq ózenindegi balyqtardyń jappai qyrylýyna joǵaryda atalǵan mekemeler men birge iesiz avariialyq munai-gaz uńǵymalarynyń, munai-gaz keshenine qarasty kásiporyndar qyzmetiniń áseri nazardan tys qalmaǵany durys. Muzdyń turýyna orai balyqtardyń qandai jaǵdaida ekeni jóninde tolyq maǵlumat joq. Muz astynda jatqan balyqtardy túgeldei jinaý asa mańyzdy. Óitpese ýlanǵan balyq etteri ózenniń ekologiialyq júiesine, basqa sý janýarlaryna ziianyn tigizýi ábden múmkin. Bul ózen boiynda otyrǵan adamdardyń, qarmaq quryp balyq etin paidalanýshylardyń densaýlyqtary men ómirlerine qaýip týǵyzatyn jai ekenin eskerý kerek», - dedi Sársenbai Eńsegenov.
Senatordyń aitýynsha, jumys istep otyrǵan salaaralyq komissiia jumysyn ashyq júrgizý, ǵylymi, qoǵamdyq, onyń ishinde ekologiialyq uiymdardy, shetel mamandaryn keńinen tartý máseleniń jan-jaqty tolyq zerttelýin qamtamasyz etedi. Bul sonymen birge, osy oqiǵa jónindegi ár túrli negizsiz alyp qashpa áńgimelerdiń týyndamaýyna yqpal jasaidy.
«Balyqtardyń etinen ammiaktyń tabylýy jáne sýdaǵy ziiandy zattar mólsheriniń tiisti deńgeiden kóp bolýy qoldanystaǵy tabiǵat qorǵaýǵa bailanysty zańnamalyq aktilerdiń osal tustary bar ekenin kórsetedi. Qurmetti, Baqytjan Ábdiruly, elimizdegi balyq sharýashylyǵynyń negizgi sý aidyny bolyp esepteletin Jaiyq ózenindegi balyqtardyń jappai qyrylýyna bailanysty qozǵalyp otyrǵan máselelerdi qarap, tiimdi sharalar qabyldaýdy usynamyn», - dedi Eńsegenov.
