بٷگٸن سەناتور سەرسەنباي ەڭسەگەنوۆ اتىراۋ وبلىسىنداعى بالىقتاردىڭ جاپپاي قىرىلۋ مەسەلەسٸن كٶتەردٸ, دەپ حابارلايدى Baq.kz اگەنتتٸگٸ.
ەڭسەگەنوۆ قر پرەمەر-مينيسترٸ باقىتجان ساعىنتاەۆقا جولداعان ساۋالىندا بالىقتاردىڭ جاپپاي قىرىلۋىنىڭ الدىن الۋعا كەشٸندٸ شارالار قاجەت ەكەنٸن ايتقان.
«اتىراۋ وبلىسى اۋماعىنداعى جايىق ٶزەنٸندە بالىقتاردىڭ جاپپاي قىرىلۋىنا بايلانىستى ازاماتتار الاڭداۋشىلىق بٸلدٸرۋدە. قازاقستانداعى سۋ ايدىندارىندا, سونىڭ ٸشٸندە جايىق - كاسپيي باسسەيٸنە قاراستى سۋلاردا بالىقتاردىڭ ازدى-كٶپتٸ قىرىلۋى سوڭعى جىلدارى جيٸ ورىن الىپ وتىر. دەگەنمەن, جەلتوقسان ايىنىڭ ٸشٸندەگٸ بالىقتاردىڭ جاپپاي قىرىلۋىنىڭ كٶلەمٸ مەن ودان كەلگەن زالال مٶلشەرٸ وراسان. جايىق ٶزەنٸنەن بٸر مەزەتتە 5 توننادان استام ٶلٸ بالىق جينالسا, سوڭعى اقپاراتتار بويىشا «جايىق-اتىراۋ» بەكٸرە ٶسٸرۋ زاۋىتىنىڭ 164 بەكٸرە تۇقىمداس بالىعى ٶلگەن. سول سيياقتى «لۋگوۆوي ات زاۋىتى» جشس-نٸڭ توعانىنان الىنعان 1647 بەكٸرە تۇقىمداس بالىقتاردىڭ 42-نەن باسقاسى ٶلگەن. كەسٸپورىن جالپى سانى 30 مىڭنان استام باعىمداعى بەكٸرە تۇقىمداس بالىقتان ايىرىلعان», - دەدٸ ەڭسەگەنوۆ.
دەپۋتاتتىڭ ايتۋىنشا, بالىقتاردىڭ جاپپاي قىرىلۋىنا ٶزەنگە اممياكتىڭ تٶگٸلۋٸ سەبەپ بولۋى مٷمكٸن دەگەن بولجام بار. ٶلگەن بالىقتاردىڭ ەتٸنەن اممياكتىڭ تابىلۋى وسى بولجامدى بەكٸتە تٷسەتٸندەي. سونىمەن بٸرگە, جايىق ٶزەنٸندە زيياندى زاتتاردىڭ مٶلشەرٸ شەكتەن جوعارى دەگەن دە پٸكٸرلەر ايتىلۋدا.
«قازٸرگٸ كەزدە «اتىراۋ سۋ ارناسى» ممك, «اتىراۋ جەو» اق مەن اتىراۋ قالاسىنداعى ەكٸ بەكٸرە بالىعىن ٶسٸرەتٸن زاۋىتتار تەكسەرٸلۋدە. سالاارالىق كوميسسييا دا جۇمىس ٸستەۋدە. دەگەنمەن, قالىپتاسقان جاعدايدا قوسىمشا شارالار الۋ قاجەت. جايىق ٶزەنٸندەگٸ بالىقتاردىڭ جاپپاي قىرىلۋىنا جوعارىدا اتالعان مەكەمەلەر مەن بٸرگە يەسٸز اۆارييالىق مۇناي-گاز ۇڭعىمالارىنىڭ, مۇناي-گاز كەشەنٸنە قاراستى كەسٸپورىندار قىزمەتٸنٸڭ ەسەرٸ نازاردان تىس قالماعانى دۇرىس. مۇزدىڭ تۇرۋىنا وراي بالىقتاردىڭ قانداي جاعدايدا ەكەنٸ جٶنٸندە تولىق ماعلۇمات جوق. مۇز استىندا جاتقان بالىقتاردى تٷگەلدەي جيناۋ اسا ماڭىزدى. ٶيتپەسە ۋلانعان بالىق ەتتەرٸ ٶزەننٸڭ ەكولوگييالىق جٷيەسٸنە, باسقا سۋ جانۋارلارىنا زييانىن تيگٸزۋٸ ەبدەن مٷمكٸن. بۇل ٶزەن بويىندا وتىرعان ادامداردىڭ, قارماق قۇرىپ بالىق ەتٸن پايدالانۋشىلاردىڭ دەنساۋلىقتارى مەن ٶمٸرلەرٸنە قاۋٸپ تۋعىزاتىن جاي ەكەنٸن ەسكەرۋ كەرەك», - دەدٸ سەرسەنباي ەڭسەگەنوۆ.
سەناتوردىڭ ايتۋىنشا, جۇمىس ٸستەپ وتىرعان سالاارالىق كوميسسييا جۇمىسىن اشىق جٷرگٸزۋ, عىلىمي, قوعامدىق, ونىڭ ٸشٸندە ەكولوگييالىق ۇيىمداردى, شەتەل ماماندارىن كەڭٸنەن تارتۋ مەسەلەنٸڭ جان-جاقتى تولىق زەرتتەلۋٸن قامتاماسىز ەتەدٸ. بۇل سونىمەن بٸرگە, وسى وقيعا جٶنٸندەگٸ ەر تٷرلٸ نەگٸزسٸز الىپ قاشپا ەڭگٸمەلەردٸڭ تۋىنداماۋىنا ىقپال جاسايدى.
«بالىقتاردىڭ ەتٸنەن اممياكتىڭ تابىلۋى جەنە سۋداعى زيياندى زاتتار مٶلشەرٸنٸڭ تيٸستٸ دەڭگەيدەن كٶپ بولۋى قولدانىستاعى تابيعات قورعاۋعا بايلانىستى زاڭنامالىق اكتٸلەردٸڭ وسال تۇستارى بار ەكەنٸن كٶرسەتەدٸ. قۇرمەتتٸ, باقىتجان ەبدٸرۇلى, ەلٸمٸزدەگٸ بالىق شارۋاشىلىعىنىڭ نەگٸزگٸ سۋ ايدىنى بولىپ ەسەپتەلەتٸن جايىق ٶزەنٸندەگٸ بالىقتاردىڭ جاپپاي قىرىلۋىنا بايلانىستى قوزعالىپ وتىرعان مەسەلەلەردٸ قاراپ, تيٸمدٸ شارالار قابىلداۋدى ۇسىنامىن», - دەدٸ ەڭسەگەنوۆ.
