Meditsinalyq-sanitariialyq alǵashqy kómekti qarjylandyrý úlesin arttyrý aiasynda 5 myń turǵynǵa 1 mobildi brigada jasaqtalady. Bul týraly QR Densaýlyq saqtaý ministri Ajar Ǵiniiat vedomstvonyń keńeitilgen alqa otyrysynda málim etti, dep habarlaidy QazAqparat.
Elimizde ambýlatoriialyq deńgeidegi konsýltatsiialyq-diagnostikalyq qyzmetter kólemin 1,5 ese ulǵaitý josparlanyp otyr. Bul aýrýlardy erte diagnostikalaýdyń qoljetimdiligin arttyryp, halyqtyń densaýlyq saqtaýǵa óz qaltasynan jumsaityn shyǵyndaryn tómendetýge múmkindik beredi. QR Densaýlyq saqtaý ministrliginiń keńeitilgen alqa otyrysynda vedmostvo basshysy Ajar Ǵiniiat osyndai málimet berdi.
«Biz meditsinalyq-sanitariialyq alǵashqy kómekti qarjylandyrý úlesin 2025 jylǵa deiin jalpy salany qarjylandyrýǵa jumsaityn qarajattyń 60%-yna deiin jetkizýge kúsh salamyz. Qazirdiń ózinde osy kórsetkishti 54%-ǵa deiin jetkize otyryp, osy maqsatqa qol jetkizýge barynsha jaqyndadyq. Bul bizge MSAK-tyń profilaktikalyq baǵytyn ulǵaitýǵa múmkindik berdi», - dedi Ajar Ǵiniiat.
Onyń aitýynsha, osynyń arqasynda 5 myń turǵynǵa 1 mobildi brigada jasaqtalady.
«Olardyń respýblika boiynsha jalpy sany 3,6 myńnan asady. 2021 jyly mobildi brigadalar shamamen 3 mln qyzmet kórsetti. Bul 2020 jylmen salystyrǵanda 5 esege artyq. Sondai-aq, sozylmaly infektsiialyq aýraǵa jatpaityn arteriialyq gipertenziiaǵa, qant diabetine jáne sozylmaly júrek jetkiliksizdigine bailanysty aýrýlardy basqarý baǵdarlamasymnyń deregi boiynsha, Qazaqstanda 5 695 MSAK uiymy bar.Qalalarda – 501, aýyldarda – 5 194.
