Foto: ashyq derekkóz
Qazaq boksshysy Áigerim Sáttibaeva Semeide ótken bokstan Qazaqstan chempionatynda jeńiske jetkennen keiin óz áserin bólisti, dep habarlaidy Ult.kz Sportinside.kz saityna silteme jasap.
"Ár jekpe-jegim ońai bolǵan joq. Balalarym men otbasymnyń úmitin aqtaǵanyma óte qýanyshtymyn. On bes jyl úzilisten keiin Qazaqstan chempionatyn utyp otyrmyn. Bul men úshin úlken tolqý sáti", – dedi Áigerim Sáttibaeva.
Boksshynyń aitýynsha, chempionatqa qatysý úshin ol Tarazda 51 keli salmaqta úsh kezdesý ótkizip, jeńiske jetken. Bul ulttyq birinshilikke daiyndyqtyń alǵashqy kezeńi bolǵan. Keiin jeke bapkerimen birge eki aptalyq oqý-jattyǵý jiynyn ótkizgen.
"Men eki jyldan beri Qazaqstan quramasyndamyn. Bizdiń salmaqta buryn birinshi nómir Nazym Qyzaibai edi. Ol ketken soń, men sol oryndy ielendim. Osy eki jyl ishinde bir de bir oqý-jattyǵý jiynyn jibermei, barlyq týrnirge qatysyp kelemin. Bas bapker Eldos Saidalin qaida baǵyttasa, sonda bardym. Endi ózimdi tolyq daiynmyn dep esepteimin", – dedi Áigerim.
Aita keteiik, finalda Áigerim Sáttibaeva 48 kelige deiingi salmaq dárejesinde almatylyq sportshy Anel Qudaibergendi 5:0 esebimen jeńip, altyn medal iegeri atandy.
