فوتو: اشىق دەرەككٶز
قازاق بوكسشىسى ەيگەرٸم سەتتٸباەۆا سەمەيدە ٶتكەن بوكستان قازاقستان چەمپيوناتىندا جەڭٸسكە جەتكەننەن كەيٸن ٶز ەسەرٸن بٶلٸستٸ, دەپ حابارلايدى Ult.kz Sportinside.kz سايتىنا سٸلتەمە جاساپ.
"ەر جەكپە-جەگٸم وڭاي بولعان جوق. بالالارىم مەن وتباسىمنىڭ ٷمٸتٸن اقتاعانىما ٶتە قۋانىشتىمىن. ون بەس جىل ٷزٸلٸستەن كەيٸن قازاقستان چەمپيوناتىن ۇتىپ وتىرمىن. بۇل مەن ٷشٸن ٷلكەن تولقۋ سەتٸ", – دەدٸ ەيگەرٸم سەتتٸباەۆا.
بوكسشىنىڭ ايتۋىنشا, چەمپيوناتقا قاتىسۋ ٷشٸن ول تارازدا 51 كەلٸ سالماقتا ٷش كەزدەسۋ ٶتكٸزٸپ, جەڭٸسكە جەتكەن. بۇل ۇلتتىق بٸرٸنشٸلٸككە دايىندىقتىڭ العاشقى كەزەڭٸ بولعان. كەيٸن جەكە باپكەرٸمەن بٸرگە ەكٸ اپتالىق وقۋ-جاتتىعۋ جيىنىن ٶتكٸزگەن.
"مەن ەكٸ جىلدان بەرٸ قازاقستان قۇراماسىندامىن. بٸزدٸڭ سالماقتا بۇرىن بٸرٸنشٸ نٶمٸر نازىم قىزايباي ەدٸ. ول كەتكەن سوڭ, مەن سول ورىندى يەلەندٸم. وسى ەكٸ جىل ٸشٸندە بٸر دە بٸر وقۋ-جاتتىعۋ جيىنىن جٸبەرمەي, بارلىق تۋرنيرگە قاتىسىپ كەلەمٸن. باس باپكەر ەلدوس سايدالين قايدا باعىتتاسا, سوندا باردىم. ەندٸ ٶزٸمدٸ تولىق دايىنمىن دەپ ەسەپتەيمٸن", – دەدٸ ەيگەرٸم.
ايتا كەتەيٸك, فينالدا ەيگەرٸم سەتتٸباەۆا 48 كەلٸگە دەيٸنگٸ سالماق دەرەجەسٸندە الماتىلىق سپورتشى انەل قۇدايبەرگەندٸ 5:0 ەسەبٸمەن جەڭٸپ, التىن مەدال يەگەرٸ اتاندى.
