Foto: nashkraj.by
2023 jylǵy 14 qarashada Qazaqstan Respýblikasy halqynyń sany 20 million adamǵa jetti, dep habarlaidy "Ult aqparat" Ulttyq statistika biýrosyna silteme jasap.
«20 millionynshy azamattyń týǵan kúni barlyq qolda bar demografiialyq derekterdi eskere otyryp aiqyndaldy: Qazaqstan Respýblikasyna turaqty turýǵa kelgen jáne odan shyqqan, týǵandar men qaitys bolǵandardyń sany.
Buryn halyq sany týraly málimetter qolmen óńdeletin jáne bul kóp ýaqytty qajet etetin. Memlekettik aqparattyq júielerdiń integratsiiasy bul protsesti jedeldetýge jáne 20 millionynshy azamattyń týǵan kúnin joǵary dáldikpen jáne qysqa merzimde anyqtaýǵa múmkindik berdi», - delingen statbiýro habarlamasynda.
Halyqtyń derekter bazasynyń kórsetkishterine sáikes, 14 qarashada tańǵy saǵat 8.10-da týǵan 5 bala elimizdiń 20 millionynshy turǵyny atandy. Qazaqstannyń mereili azamattary Ulytaý, Jetisý, Atyraý, Aqmola jáne Túrkistan oblystarynda dúniege keldi. Olardyń ishinde 3 ul jáne 2 qyz bar.
Esterińizge sala keteiik, 1991 jyly Qazaqstan Respýblikasynyń halyq sany 16,4 mln adamdy qurady. Táýelsizdik jyldarynda el halqy 22,3% ósti. Máselen, 2022 jyly 1991 jylmen salystyrǵanda týý sany 353,2 myńnan 403,9 myń adamǵa deiin nemese 14,7% ósti.
Bala týýdyń eń joǵary máni 2021 jyly tirkelip, 446 myń balany qurady. Tabiǵi ósimniń artýy, onyń ishinde náreste óliminiń azaiýy nátijesinde qamtamasyz etildi. Jalpy ólim-jitim 1991 jylǵy 8,20-dan 2022 jyly 1000 turǵynǵa shaqqanda 6,8 adamǵa deiin tómendedi. Sábiler óliminiń koeffitsienti 3,5-ten astam ese tómendedi, 1991 jylǵy 27,3 jaǵdaidan 2022 jyly týylǵan 1000 adamǵa shaqqanda 7,7 jaǵdaiǵa deiin.
Halyqtyń 1000 adamǵa shaqqandaǵy týý kórsetkishin kórsetetin jalpy týý koeffitsienti táýelsizdik jyldarynda 1991 jylǵy 21,6-dan 2021 jyly 23,6-ǵa deiin ósti. 2022 jyly bul kórsetkish 20,7 boldy. Eń mańyzdy demografiialyq kórsetkishterdiń biri bolyp tabylatyn týýdyń jiyntyq koeffitsienti* 1991 jylǵy 2,7-den 1999 jyly 1,8-ge deiin tómendedi. Keiinnen onyń birtindep ósýi baiqaldy. 2022 jyly týýdyń jalpy koeffitsienti 1 áielge 3,05 balany qurady.
Kútiletin ómir súrý uzaqtyǵy 1991 jylmen salystyrǵanda 2022 jyly 6,8 jylǵa ósti, bul rette erler arasynda 7,7 jylǵa, áielderde – 6 jylǵa ósti. Osylaisha, 2022 jyly Qazaqstanda kútiletin ómir súrý uzaqtyǵy 74,4 jyldy qurady.
Bul kórsetkish pandemiiaǵa deiingi deńgeiden 1,3 jylǵa asady.
