فوتو: nashkraj.by
2023 جىلعى 14 قاراشادا قازاقستان رەسپۋبليكاسى حالقىنىڭ سانى 20 ميلليون ادامعا جەتتٸ, دەپ حابارلايدى "ۇلت اقپارات" ۇلتتىق ستاتيستيكا بيۋروسىنا سٸلتەمە جاساپ.
«20 ميلليونىنشى ازاماتتىڭ تۋعان كٷنٸ بارلىق قولدا بار دەموگرافييالىق دەرەكتەردٸ ەسكەرە وتىرىپ ايقىندالدى: قازاقستان رەسپۋبليكاسىنا تۇراقتى تۇرۋعا كەلگەن جەنە ودان شىققان, تۋعاندار مەن قايتىس بولعانداردىڭ سانى.
بۇرىن حالىق سانى تۋرالى مەلٸمەتتەر قولمەن ٶڭدەلەتٸن جەنە بۇل كٶپ ۋاقىتتى قاجەت ەتەتٸن. مەملەكەتتٸك اقپاراتتىق جٷيەلەردٸڭ ينتەگراتسيياسى بۇل پروتسەستٸ جەدەلدەتۋگە جەنە 20 ميلليونىنشى ازاماتتىڭ تۋعان كٷنٸن جوعارى دەلدٸكپەن جەنە قىسقا مەرزٸمدە انىقتاۋعا مٷمكٸندٸك بەردٸ», - دەلٸنگەن ستاتبيۋرو حابارلاماسىندا.
حالىقتىڭ دەرەكتەر بازاسىنىڭ كٶرسەتكٸشتەرٸنە سەيكەس, 14 قاراشادا تاڭعى ساعات 8.10-دا تۋعان 5 بالا ەلٸمٸزدٸڭ 20 ميلليونىنشى تۇرعىنى اتاندى. قازاقستاننىڭ مەرەيلٸ ازاماتتارى ۇلىتاۋ, جەتٸسۋ, اتىراۋ, اقمولا جەنە تٷركٸستان وبلىستارىندا دٷنيەگە كەلدٸ. ولاردىڭ ٸشٸندە 3 ۇل جەنە 2 قىز بار.
ەستەرٸڭٸزگە سالا كەتەيٸك, 1991 جىلى قازاقستان رەسپۋبليكاسىنىڭ حالىق سانى 16,4 ملن ادامدى قۇرادى. تەۋەلسٸزدٸك جىلدارىندا ەل حالقى 22,3% ٶستٸ. مەسەلەن, 2022 جىلى 1991 جىلمەن سالىستىرعاندا تۋۋ سانى 353,2 مىڭنان 403,9 مىڭ ادامعا دەيٸن نەمەسە 14,7% ٶستٸ.
بالا تۋۋدىڭ ەڭ جوعارى مەنٸ 2021 جىلى تٸركەلٸپ, 446 مىڭ بالانى قۇرادى. تابيعي ٶسٸمنٸڭ ارتۋى, ونىڭ ٸشٸندە نەرەستە ٶلٸمٸنٸڭ ازايۋى نەتيجەسٸندە قامتاماسىز ەتٸلدٸ. جالپى ٶلٸم-جٸتٸم 1991 جىلعى 8,20-دان 2022 جىلى 1000 تۇرعىنعا شاققاندا 6,8 ادامعا دەيٸن تٶمەندەدٸ. سەبيلەر ٶلٸمٸنٸڭ كوەففيتسيەنتٸ 3,5-تەن استام ەسە تٶمەندەدٸ, 1991 جىلعى 27,3 جاعدايدان 2022 جىلى تۋىلعان 1000 ادامعا شاققاندا 7,7 جاعدايعا دەيٸن.
حالىقتىڭ 1000 ادامعا شاققانداعى تۋۋ كٶرسەتكٸشٸن كٶرسەتەتٸن جالپى تۋۋ كوەففيتسيەنتٸ تەۋەلسٸزدٸك جىلدارىندا 1991 جىلعى 21,6-دان 2021 جىلى 23,6-عا دەيٸن ٶستٸ. 2022 جىلى بۇل كٶرسەتكٸش 20,7 بولدى. ەڭ ماڭىزدى دەموگرافييالىق كٶرسەتكٸشتەردٸڭ بٸرٸ بولىپ تابىلاتىن تۋۋدىڭ جيىنتىق كوەففيتسيەنتٸ* 1991 جىلعى 2,7-دەن 1999 جىلى 1,8-گە دەيٸن تٶمەندەدٸ. كەيٸننەن ونىڭ بٸرتٸندەپ ٶسۋٸ بايقالدى. 2022 جىلى تۋۋدىڭ جالپى كوەففيتسيەنتٸ 1 ەيەلگە 3,05 بالانى قۇرادى.
كٷتٸلەتٸن ٶمٸر سٷرۋ ۇزاقتىعى 1991 جىلمەن سالىستىرعاندا 2022 جىلى 6,8 جىلعا ٶستٸ, بۇل رەتتە ەرلەر اراسىندا 7,7 جىلعا, ەيەلدەردە – 6 جىلعا ٶستٸ. وسىلايشا, 2022 جىلى قازاقستاندا كٷتٸلەتٸن ٶمٸر سٷرۋ ۇزاقتىعى 74,4 جىلدى قۇرادى.
بۇل كٶرسەتكٸش پاندەميياعا دەيٸنگٸ دەڭگەيدەن 1,3 جىلعا اسادى.
