Ulttyq statistika biýrosy Qazaqstandaǵy medianalyq jáne ortasha ailyq jalaqy kólemine qatysty jańa málimetterdi jariialady, dep habarlaidy Ult.kz.
2026 jyldyń birinshi toqsanynyń qorytyndysy boiynsha eldegi ortasha ataýly ailyq jalaqy 461 486 teńgeni quraǵan. Ótken jyldyń osy kezeńimen salystyrǵanda kórsetkish 9,1 paiyzǵa ósken. Alaida infliatsiiany eseptegende naqty jalaqy kólemi 2,3 paiyzǵa tómendegen.
Óńirler arasynda ortasha jalaqy ósimi eń kóp tirkelgen aimaqtar:
- Abai oblysy — 14,2% (405 425 teńge)
- Pavlodar oblysy — 12,4% (448 906 teńge)
- Jetisý oblysy — 12,2% (346 199 teńge)
- Almaty oblysy — 10,9% (376 012 teńge)
- Almaty — 10,7% (574 162 teńge)
Al eń joǵary ortasha jalaqy:
- Mańǵystaý oblysy — 659 801 teńge
- Ulytaý oblysy — 655 995 teńge
- Atyraý oblysy — 652 950 teńge kóleminde tirkelgen.
Salalar boiynsha eń joǵary ósim aýyl, orman jáne balyq sharýashylyǵynda baiqalǵan — 20,3 paiyz. Odan keiin qarjy jáne saqtandyrý qyzmeti — 18,1%, sýmen jabdyqtaý — 16,5%, elektr energiiasy, gaz jáne jylýmen qamtý salasy — 14,7%, kólik pen qoimalaý — 12,9%, ónerkásip — 11,6% boldy.
Al densaýlyq saqtaý jáne áleýmettik qyzmet kórsetý salasynda jalaqy 7 paiyzǵa, bilim berý salasynda 4,2 paiyzǵa ósken.
