Bir sabaqqa ǵana qatysqan turǵyn avtomektepten 46 myń teńgesin qaitaryp aldy, dep habarlaidy ult.kz.
Aqmola oblysynda avtomektep oqýyn jalǵastyra almaǵan klientke tólengen qarajatty qaitarýdan bas tartqan. Bul týraly oblystyq Saýda jáne tutynýshylardyń quqyqtaryn qorǵaý departamenti habarlady.
Turǵyn avtomekteptiń oqý aqysyn tolyq tólegenimen, tek bir sabaqqa ǵana qatysqan. Keiin dáleldi sebepterge bailanysty oqýyn jalǵastyra almaitynyn aityp, paidalanylmaǵan sabaqtardyń aqysyn qaitarýdy suraǵan.
Alaida avtomektep qarajatty uzaq ýaqyt boiy qaitarmai, klienttiń birneshe ótinishin jaýapsyz qaldyrǵan. Sonymen qatar qaitarý merzimi túrli sebeptermen birneshe ret keiinge shegerilgen.
Tutynýshy óz talabyn rastaý úshin tólem túbirtekteri men avtomektep ókilderimen jazysqan hat-habarlaryn usynǵan.
Departament mamandary túsindirý jumystaryn júrgizgennen keiin avtomektep klientke 46 myń teńgeni tolyq kólemde qaitaryp bergen.
