29 shilde men 9 tamyz aralyǵynda Astana qalasynda «Bolashaq oiyndary – 2026» halyqaralyq týrniri ótti. 12 kúnge sozylǵan jarysqa 50-den astam elden 800-den astam qatysýshy jinalyp, týrnir transliatsiialaryn álem boiynsha 453 millionnan astam kórermen tamashalady, dep habarlaidy ult.kz.
Jarysqa elordanyń tórt sport nysanynda segiz distsiplina boiynsha óner kórsetken 108 komanda qatysty. Týrnirdiń jalpy júlde qory 4,65 mln dollardy qurap, komandalardyń ónerin tribýnalardan 29 myńǵa jýyq kórermen tamashalady.
Týrnirdiń halyqaralyq media qamtý aýqymy keń boldy: jarys 289 arna, onyń ishinde 56 media seriktes pen 229 strimer arqyly taratylyp, 150-den astam el men aýmaqta 20 tilde qoljetimdi boldy. Týrnirdiń jiyntyq yqtimal media qamtý aýditoriiasy 7,68 mlrd adamdy qurady.
Týrnir halyqaralyq deńgeide keńinen qamtylyp, 289 arna, onyń ishinde 56 media seriktes pen 229 strimer arqyly 150-den astam el men aýmaqta 20 tilde taratyldy. Al jarystyń yqtimalmaldy jiyntyǵy media qamtý aýditoriiasy boiynsha 7,68 mlrd adamdǵa jetti.
Qazaqstandyq komandalar týrnirdiń barlyq segiz distsiplinasy boiynsha baq synady. Otandyq sportshylar úshin jarystyń basty jetistigi — Team KZ komandasynyń Phygital Shooter (CS2) distsiplinasy boiynsha chempion atanýy boldy.
«Bolashaq oiyndaryn» ótkizý Qazaqstanda fidjital-sportty damytýdaǵy mańyzdy qadamdardyń birine ainaldy. Bul format – jarystyń virtýaldy kezeńinen keiin sportshylar naqty sport alańynda básekege túsý arqyly tsifrlyq tehnologiialar men fizikalyq belsendilikti úilestirdi. Osylaisha, fidjital-sport jas urpaqtyń zamanaýi qyzyǵýshylyqtaryna jaýap bere otyryp, tsifrlyq tehnologiialar men dástúrli sportty biriktirý arqyly jastardy belsendi ómir saltyna jáne turaqty sportpen shuǵyldanýǵa yntalandyrady.
Bul rette týrnirdiń halyqaralyq deǵgeide taralýy sport salasyna ǵana yqpaldyǵyn tigizbeidi. Qazaqstandy álemdik arenada tanytý turǵysynan da mańyzdy. 150-den astam elde kórsetilip, milliondaǵan kórermenge jetken transliatsiialar men aqparattyq materialdar Qazaqstandy álemdik arenada nasihattaý quralyna ainaldy. Sheteldik kórermender Astananyń zamanaýi kelbetimen, sport nysandarymen jáne eldiń damyǵan infraqurylymymen tanysýǵa múmkindik aldy. Mundai halyqaralyq mediataralym Qazaqstannyń týristik áleýetin arttyrýǵa da yqpal etip, elimizge saiahattaýǵa, iri halyqaralyq is-sharalardy ótkizýge qolaily oryn retinde qyzyǵýshylyq qalyptastyrdy.
Bul baǵyttaǵy jumystar aldaǵy ýaqytta da jalǵasyn tabady. Kelesi jyly Qazaqstan kibersporttan álem chempionatyn ótkizip, tsifrlyq sport salasyndaǵy taǵy bir iri halyqaralyq jarys alańyna ainalady. Mundai aýqymdy týrnirlerdi ótkizý otandyq sportshylar men kibersportshylardyń kásibi deńgeiin arttyrýǵa, halyqaralyq tájiribe men ozyq tehnologiialardy tartýǵa, sondai-aq dene shynyqtyrý, tsifrlyq daǵdylar men zamanaýi tehnologiialar ózara úilesetin jańa sporttyq ekojúieni qalyptastyrýǵa múmkindik beredi.
Tutastai alǵanda, «Bolashaq oiyndary – 2026» Qazaqstan úshin iri halyqaralyq sporttyq oqiǵa ǵana emes, sonymen qatar elimizde jarystardyń jańa býynyn joǵary deńgeide ótkizýge, fidjital-sportty damytýǵa jáne Qazaqstandy milliondaǵan kórermeni bar jahandyq aýditoriiaǵa tanytýǵa daiyn ekenin kórsetken mańyzdy jobaǵa ainaldy. Sonymen qatar, týrnirdiń aýqymdy halyqaralyq mediataralymy eldiń týristik áleýetin ilgeriletýge, Qazaqstannyń halyqaralyq imidjin nyǵaitýǵa jáne álemdik sporttyq is-sharalardy ótkizýge qolaily el retinde tanytýǵa yqpal etti.
