Foto: ashyq derekkóz
Ulttyq qaýipsizdik komitetiniń Sybailas jemqorlyqqa qarsy is-qimyl qyzmeti farmatsevtika salasyn saýyqtyrý baǵytynda júrgizilip jatqan sharalar aiasynda aýqymdy qylmystyq shemany anyqtady. Tergeý nátijesinde meditsinalyq buiymdardy otandyq óndiris retinde jalǵan kórsetý faktileri áshkerelendi, dep habarlaidy Ult.kz.
UQK málimetinshe, «OrdaMed» aktsionerlik qoǵamynyń basshylyǵy Qazaqstan aýmaǵynda óz óndirisi bar degen jalǵan qujattardy paidalanyp, halyqtyń densaýlyǵyn qamtamasyz etý úshin asa qajet 28 ataýdaǵy meditsinalyq jabdyqty memlekettik emdeý mekemelerine jeńildetilgen sharttarmen jetkizý boiynsha zańsyz preferentsiialar alǵan.
Alaida tekserý barysynda atalǵan meditsinalyq jabdyqtardyń is júzinde shetelden daiyn kúiinde ákelingeni anyqtalǵan. Sonyń saldarynan memleketke keltirilgen zalal kólemi 4,5 mlrd teńgeni quraǵan.
Tintý sharalary kezinde «OrdaMed» AQ basshylyǵynan quny 1 mlrd teńgeden asatyn investitsiialyq monetalar tárkilendi. Sonymen qatar «Interdentica», «Erkin Brand» jáne «OrdaMed» kompaniialaryndaǵy qatysý úlesterine tyiym salyndy.
Sot sanktsiiasymen «OrdaMed» AQ-nyń tehnikalyq direktory, burynǵy basqarma tóraǵasy jáne óndiristik basqarma basshysy qamaýǵa alyndy. Qazirgi ýaqytta sotqa deiingi tergep-tekserý amaldary júrgizilip jatyr.
UQK atap ótkendei, Qylmystyq-protsestik kodekstiń 201-babyna sáikes ózge aqparat jariia etýge jatpaidy.
