42500.enbek.kz portaly qaita jumysyn bastaidy, dep habarlaidy «Ult aqparat».
Bul týraly QR Eńbek jáne halyqty áleýmettik qorǵaý ministri Birjan Nurymbetov aitty.
Ortalyq kommýnikatsiialar qyzmetindegi brifing barysynda ministr shilde aiyna beriletin 42 500 teńge áleýmettik tólemdi taǵaiyndaý úshin qandai portaldar jumys isteitindigin aityp berdi.
«Ótkendegidei 42500.enbek.kz portaly, elektrondy úkimet portaly jumys isteidi. Ózin-ózi jumyspen qamtyǵan jeke tulǵalarǵa telegram-bottar da qyzmet kórsetedi. Bulardyń barlyǵy juma kúnnen bastap iske qosylady. Oǵan qosymsha Kaspii bank pen Halyq bank te bizdiń portal sekildi internet-resýrsty iske qosyp, halyqtan ótinish qabyldaýǵa niet bildirdi. Ony da iske asyrsaq, sizderge ol týraly beisenbi kúni jariia etemiz», - dedi Birjan Nurymbetov.
