«42 500 teńge» tólemin tótenshe jaǵdai jáne karantin kezinde 7 mln ret taǵaiyndaldy, dep habarlaidy "Ult aqparat".
Eńbek jáne halyqty áleýmettik qorǵaý ministrliginen málim etkendei, tabysynan aiyrylýyna bailanysty Memlekettik áleýmettik saqtandyrý qorynan eń tómengi jalaqy – 42 500 teńge kólemindegi birjolǵy tólem:
- tótenshe jaǵdai rejimi kezinde (2020 jylǵy 16 naýryzdan 11 mamyrǵa deiin) 322 mlrd teńge somasynda 4,6 mln adamǵa;
- karantindik shekteý sharalary kezinde (2020 jylǵy 5 shildeden 17 tamyzǵa deiin) 153,2 mlrd teńge somasynda 2,4 mln adamǵa taǵaiyndaldy.
Tótenshe jaǵdai jáne karantindik shekteý sharalary kezinde tabysyn tolyq joǵaltqan jumys isteitin azamattar memlekettik qoldaýdyń bul túrine ie boldy. Olardyń ishinde:
- jalaqysy saqtalmaityn demalysta júrgen qyzmetkerler;
- jeke kásipkerler;
- jeke praktikamen ainalysatyn adamdar;
- nysanasy jumystardy oryndaý (qyzmetter kórsetý) bolyp tabylatyn azamattyq-quqyqtyq sipattaǵy sharttar boiynsha tabys tabatyn jeke tulǵalar;
- biryńǵai jiyntyq tólemdi tóleýshiler bolyp tabylatyn jeke tulǵalar bar.
«Karantindik shekteý sharalarynyń qoldanylý kezeńine MÁSQ-tan áleýmettik tólem taǵaiyndaýǵa ótinish aǵymdaǵy jylǵy 1 qyrkúiekke deiin qabyldandy. Ony taǵaiyndaýdan bas tartylǵan jaǵdaida 2020 jylǵy 1 jeltoqsanǵa deiin shaǵymdanýǵa bolady.
Osylaisha, qazirgi ýaqytta Qazaqstan Respýblikasy Eńbek jáne halyqty áleýmettik qorǵaý ministrligi men Memlekettik áleýmettik saqtandyrý qory osy áleýmettik tólemdi taǵaiyndaý týraly azamattardyń ótinishterin qaita qaraý boiynsha jumysty jalǵastyrýda», - dedi Eńbek ministrliginen.
