Qalalyq Áleýmettik ál-aýqat basqarmasynyń basshysy Rahat Shimasheva 42 500 teńge kimderge berilmegenin aitty, dep habarlaidy QazAqparat.
Basqarma basshysynyń aitýynsha, 471 myń adamnyń ótinishi qanaǵattandyrylmady.
«Tólemderdi taǵaiyndaýdan bas tartýdyń birqatar sebepteri bar. Ótinish bergenderdiń 68%-ynyń Tótenshe jaǵdai jariialanǵannan keiin sońǵy 12 aida áleýmettik aýdarymdardyń/biryńǵai jiyntyq tólem/ mindetti zeinetaqy jarnalarynyń bolmaǵan. 5,8%-ynyń áleýmettik tólemderin memleketke tiesili kásiporyndar, uiymdar, mekemeler jáne organdar tóleitini anyqtaldy. 20 %-ynyń memleket tarapynan járdemaqy alýshylar bolyp shyqty. 6%-y 2 jerde jumys isteitini anyqtaldy. 0,2%-y Qazaqstan Respýblikasy territoriiasynan shyqqandar bolyp shyqty. Sonymen qatar, ótinish berýshi qaitys bolǵany anyqtaldy. Qalǵany ótinishti qate toltyrǵandyqtan tólem tóleýden bas tartyldy», - dedi Rahat Shimasheva onlain brifing barysynda.
QR Eńbek ministriniń 2020 jylǵy 26 naýryzdaǵy №110 Buiryǵy boiynsha áleýmettik tólemderdi júzege asyrý erejelerine sáikes Basqarma qabyldaǵan qujattar shtabpen óńdelip, Memlekettik korporatsiiaǵa jiberiledi. Sodan keiin tólem júrgizý úshin Memlekettik áleýmettik saqtandyrý qoryna jiberiledi.
Buǵan deiin Almatyda qansha adam 42500 teńge kóleminde áleýmettik tólem alǵanyn habarlaǵan bolatynbyz.
