Eńbek jáne halyqty áleýmettik qorǵaý ministrliginiń tsifrlandyrý keńsesi 42 500 teńgeni alý quqyǵyńyz bar-joǵyn qalai tekserip beretin qyzmetti iske qosty, - dep jazdy Eńbek jáne halyqty áleýmettik qorǵaý vitse-ministri Nariman Muqyshev.
«Biz áleýmettik jelilerge árdaiym monitoring júrgizip, adamdardyń suraqtarynyń basym bóligi bylai ekenin kórip otyrmyz: «Men birneshe kún buryn ótinim berip qoiǵanmyn. Áitse de áli kúnge deiin ótinimim maquldandy ma, joq pa bilmeimin» deidi kóbi. Sol sebepti Birjan Nurymbetovtiń tapsyrmasymen Eńbek jáne halyqty áleýmettik qorǵaý ministrliginiń tsifrlandyrý keńsesi 42 500 teńgeni alý quqyǵyńyz bar-joǵyn tekserip beretin qyzmetti iske qosty. Servis boiynsha biz Prezident Ákimshiligi janyndaǵy IT-shtabpen, IT mamandarymen, ujymmen qaýyrt jumys júrgizdik. Tsifrlyq damý, innovatsiialar jáne aeroǵarysh ónerkásibi ministri Asqar Jumaǵalievke de alǵysymyzdy aitamyz», - dedi ol.
Áleýmettik tólem alý quqyǵyn tekserý úshin:
1. 42500.enbek.kz siltemesine ótý kerek.
2. «Ótinim statýsyn tekserý» batyrmasyna basasyz.
3. Onda JSN men jeke kýáliktiń nómirin engizesiz.
4. «Men robot emespin» batyrmasyn basasyz da, «tekserýge» jiberesiz.
Sizdiń 42 500 teńgeni alý quqyǵyńyz bar-joǵy birden shyǵyp turady. Bir uialy telefon nemese kompiýterden bir saǵattyń ishinde tekserý boiynsha 3 ótinim jiberip kórýge bolady.
