Qazaqstan Respýblikasy Bala quqyqtary jónindegi ýákil Arýjan Sain daǵdarysta muqtaj otbasylarǵa kómek kórsetý joldaryn usyndy, dep habarlaidy "Ult aqparat".
«Kópbalaly analarǵa, jalǵyzbasty analarǵa beriletin járdemaqylar tolyq kólemde tólenip keledi. Múgedektik syndy kýáliktiń merzimi ótse, ony qaita kýálandyrýdyń qajeti joq. Avtomatty túrde úsh aiǵa sozylady. Al 42500 teńge tólemmen daýlasar edim. Árine, halyqty qoldaý sharalarymen ekonomister ainalysady. Degenmen, men balalardyń sanyna qarai kómek kórsetýdi usynamyn. 42500 teńge alatyn eersek adamnyń bir nemese birneshe balasy bolýy múmkin. Reseidiń tájiribesine qarar bolsaq, ondaǵy járdemaqy bala sanyna qarai beriledi. Munda qisyn bar der edim. Óitkeni 42500 teńgemen bir adam ómir súrýi múmkin, biraq birneshe balaǵa jetkizý múmkin emes», - dedi Arýjan Sain Feisbýkte ótken Antikor.live konferentsiiasynda.
Spiker bul máseleni jedel qarastyrý qajettigin atap ótti.
«Biz úshin karantin – kútpegen oqiǵa boldy. Bul naýryz-sáýirdegidei qatań karantin emes, degenmen ony qaitadan engizetinin eshkim kútpedi. QR Qarjy ministrligi, Eńbek ministrligi tarapynan bul máseleni jedel túrde qarastyrý qajet. Resmi túrde bul usynysty eshqaida jibermedim. Óz komandamyz ishinde ǵana talqyladyq. Búgingi efirdi paidalana otyryp, kópshilikke jariialaǵym keledi. Resmi túrde qajet bolsa, ony da jiberemin», - dedi Arýjan Sain.
Buǵan deiin Arýjan Sain pandemiia kezindegi balalardyń quqyǵyn qorǵaý jumystaryn baiandaǵan edi.
