Úkimet otyrysynan keiin ótken baspasóz konferentsiiasynda eńbek jáne halyqty áleýmettik qorǵaý ministri Birjan Nurymbetov 2020 jylǵa deiin ekonomikalyq ósimdi qalpyna keltirý jónindegi keshendi josparda qarastyrylǵan sharalardyń oryndalýy týraly aityp berdi, dep habarlaidy primeminister.kz saity.
B. Nurymbetov atap ótkendei, Úkimet otyrysynda maquldanǵan Keshendi jospar jańa jumys oryndaryn qurý, halyqty jumyspen qamtý, jumys oryndaryn saqtaý sharalaryn qamtidy.
Keshendi jospar jumyspen qamtýdy eskere otyryp, qazirgi ýaqytta elimizde júzege asyrylyp jatqan barlyq memlekettik jáne úkimettik baǵdarlamalardyń sapaly oryndalýyn kózdeidi.
Birinshiden, bul 2020-2021 jyldarǵa arnalǵan Jumyspen qamtýdyń jol kartasy, onyń aiasynda 6 506 infraqurylymdyq joba júzege asyrylady. Búgingi tańda olardyń 3700-i iske asyryla bastady. Bul jobalarǵa 35 myń adam tartyldy. Jalpy, JQJK aiasynda 250 myń jumys ornyn kepildikti qurý josparlanǵan.
Ekinshi — «Eńbek» memlekettik baǵdarlamasy. 2020 jyldyń 4 aiynda baǵdarlamaǵa 157 myń adam qatysty. Onyń ishinde 118 myń adam jumysqa ornalastyryldy, 58 myń adam turaqty jumys oryndaryna turdy. Baǵdarlamanyń basqa da quraldary — jeńildikti mikrokredit berý, jeke kásipkerlerge arnalǵan granttar, oqý is-sharalary, kásipkerlik negizderine oqytý jáne t. b. eskeriletin bolady. Jalpy 600 myńǵa jýyq adam jumyspen qamtýǵa járdemdesý sharalarymen qamtylady.
Sonymen qatar qalǵan 9 memlekettik baǵdarlama aiasynda 365 myń jumys orny ashylady. Jalpy, osy sharalar aiasynda 1,2 mln qazaqstandyq jumyspen qamtý sharalarymen qamtylady.
Sondai-aq brifing barysynda ministr 42 500 teńge áleýmettik tólemderdiń arqasynda 1 mln 300 myń azamat óz qyzmetin júielendirgenin atap ótti.
«MÁMS daiyndaý jáne engizý aiasynda úlken máseleler týyndady, jáne kóptegen adamdardiń mártebesi beiresmi boldy, iaǵni olar eshqandai aqparattyq júielerde bolmaǵan jáne olar meditsinalyq saqtandyrý júiesine, áleýmettik saqtandyrý júiesine, zeinetaqy júiesine qatysa almady. Bul adamdardyń ishinen 42 500 teńge kóleminde tólem berý kezinde 1 mln 300 myń adam biryńǵai jiyntyq tólemdi tólep, óz qyzmetin formalizatsiialady. Búgingi tańda olar salyq organdarynda jáne bizdiń júielerde jeńildetilgen ádis boiynsha paida boldy, sondyqtan búginde bul azamattar aqparattyq júiede eskerilgen», — dedi Birjan Nurymbetov.
Ministr bul adamdarǵa endi zańdastyrý jáne óz qyzmetin júzege asyrý boiynsha jan-jaqty kómek kórsetiletinin túsindirdi.
«Munda Jumyspen qamtýdyń jol kartasy, “Eńbek” memlekettik baǵdarlamasynyń barlyq quraldary qoldanylatyn bolady. Shaǵyn kásipkerlik qyzmetpen ainalysqan formaldy tirkelgen azamattarǵa óz biznesin odan ári zańdy túrde damytý úshin jeńildikti mikrokreditter berý jáne granttar bólý quraldarymen kómektesemiz. Resmi emes, eńbek kelisimshartynsyz jumys istegen adamdarǵa da jergilikti atqarýshy organdar tarapynan jumys berýshimen eńbek qatynastaryn zańdastyrýǵa kómek kórsetiletin bolady. Bul olardyń eńbek quqyqtaryn qorǵaýǵa múmkindik beredi jáne olar áleýmettik saqtandyrý, zeinetaqymen qamsyzdandyrý jáne meditsinalyq áleýmettik saqtandyrý júiesine qatysý quqyǵyna ie bolady», — dep atap ótti Birjan Nurymbetov.
Tolyǵyraq ministr Jumyspen qamtýdyń jol kartasyn júzege asyrýǵa toqtaldy.
Jańa baǵdarlamany júzege asyrýǵa 1 trln-ǵa jýyq teńge qarastyrylǵan. B. Nurymbetov atap ótkendei, jol kartasy jan-jaqty áleýmettik-ekonomikalyq tiimdilikke ie.
«Bir jaǵynan, biz mundai kezeńde jumyssyzdardy eń bolmaǵanda ýaqytsha jumys oryndarymen qamtamasyz ete alamyz, ekinshi jaǵynan, bul áleýmettik máselelerdi sheshýge, halyqtyń ál-aýqatyn arttyrýǵa, aralas salalarda jumys oryndaryn qurýǵa yqpal etedi», — dedi ministr.
Sonymen qatar, Jol kartasynyń sharttary boiynsha jalaqy eń tómengi 2 eńbekaqydan kem bolmaýy tiis, iaǵni 85 myń teńgeden kem bolmaýy qajet. Sondai-aq baǵdarlamaǵa alǵash ret qatysatyn adamdar úshin kóterme aqy tólenedi. Jumyspen qamtýdyń jol kartasy 1 mln-ǵa jýyq adamnyń tabysyna áser etýi tiis.
